मनमाड : प्रवासात झालेल्या ओळखीचा फायदा उचलत एकाने मनमाड रेल्वे स्थानकावरून सहा वर्षीय बालिकेचे अपहरण केल्याची घटना बुधवारी (ता. २४) घडली होती. वरिष्ठांच्या मार्गदर्शनानुसार लोहमार्ग पोलिस निरीक्षक शरद जोगदंड आणि त्यांच्या पथकाने तपासाची चक्रे फिरवत काही तासात मुलीची सुखरूप सुटका करत संशयिताला ताब्यात घेतले आहे. (Nashik Crime Kidnapped girl rescued from train)
लोहमार्ग पोलिसांनी दिलेली माहिती अशी नाशिक रोड येथून आई आणि तिची सहा वर्षाची मुलगी मनमाडकडे प्रवास करत असताना शेजारी बसलेल्या एकाशी त्यांची ओळख झाली. मनमाड आल्यानंतर ओळखीचा फायदा घेत कृष्णा सोनवणे (रा. चाळीसगाव) याने जेवण आणि पाणी आणण्याच्या बहाण्याने मुलीलाही सोबत घेऊन जातो आणि जेवण घेऊन येतो असे सांगितले.
मुलीच्या आईने विश्वास बसल्यामुळे कुठलाही संशय न घेता मुलीला त्याच्यासोबत पाठवले. परंतु बराच उशीर झाला तरी मुलगी आणि तो व्यक्ति न आल्याने महिलेने रेल्वे पोलिसांकडे धाव घेऊन घडलेला प्रकार कथन केला. मुलीचे अपहरण झाल्याचा गुन्हा दाखल करण्यात आला. गुन्ह्याचे गांभीर्य पाहून लोहमार्ग पोलिस निरीक्षक शरद जोगदंड यांनी वरिष्ठांच्या सूचनेनुसार तपासाचे चक्रे फिरवली.
रेल्वे स्थानकावर लावलेल्या सीसीटीव्ही कॅमेरे तपासण्यात आले. त्यानुसार संशयित शहरात बस स्टँडकडे गेल्याचे दिसून आले. नागरिकांना विचारपूस केल्याने त्यांच्या माहितीवरून बसस्थानक व परिसरातील सीसीटीव्ही कॅमेरे तपासले असता संशयित हा मालेगाव-पुणे बसने गेल्याचे दिसून आले. (latest marathi news)
तपास केल्यानंतर तो शिर्डी येथे उतरल्याचे दिसून आल्याने शिर्डी येथे तपास पथक पाठवून शोध घेत असताना तेथील चौकीवाल्याकडून माहिती मिळाल्यानुसार एका मुलीस शिर्डी पोलिसांनी ताब्यात घेतले आहे. सर्व प्रकार पोलिसांना सांगितल्यानंतर मुलीचा ताबा मनमाड लोहमार्ग पोलिसांकडे देण्यात आला.
परंतु संशयित हा शिर्डी येथून मनमाडकडे गेल्याचे समजताच मनमाड येथे रेल्वे सुरक्षा बल व जीआरपीच्या पथकाने शोध घेत असताना तो चाळीसगावकडे जाणाऱ्या रेल्वेत असल्याची माहिती मिळाली. चाळीसगाव येथे त्यास अटक करण्यात आली. मुलीला तिची आई व नातेवाईक यांच्याकडे सुखरूप सुपूर्द करण्यात आली. वरिष्ठ अधिकाऱ्यांनी पोलिस निरीक्षक शरद जोगदंड आणि त्यांच्या पथकाचे अभिनंदन केलेले आहे.
यात पोलिस उपनिरीक्षक सोनवणे, धनंजय नाईक, सुशील भावसार, संतोष भालेराव, राज बच्छाव, मनजीत पाटील, महेंद्र माळी, कल्याणी सोनवणे, ज्ञानेश्वर सूर्यवंशी, स्थानिक गुन्हे शाखा लोहमार्ग औरंगाबादचे प्रशांत गंभीरराव, व पथक तसेच रेल्वे सुरक्षा बलाचे एएसआय नीलेश सूर्यवंशी, समाधान गांगुर्डे,धर्मेंद्र यादव, दीपक सानप, मनीष, चतुर मासुळे आदींचा समावेश होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
