नाशिक : पंचवटीतील संदेश काजळे याचे अपहरण करून खुन केल्याप्रकरणी फरार मुख्य संशयितास पंचवटी पोलिसांनी बेड्या ठोकल्या आहेत. नितीन उर्फ पप्पु चौघुले (४२, रा. मखमलाबाद रोड) असे अटक केलेल्या मुख्य संशयिताचे नाव असून, पोलिसांनी आत्तापर्यंत तिघांना अटक केली आहे. (Nashik Crime Kajale murder case marathi news)
निमाणी परिसरातून संदेश चंद्रकांत काजळे (३५) याचे संशयितांनी ९ फेब्रुवारी रोजी अपहरण करून खून केला होता. त्यानंतर संदेशचा मृतदेह मोखाडा येथे वाघ नदीकाठालगत जाळण्याचा प्रयत्न केला. मृतदेह अर्धवट जळाल्यानंतर संशयितांनी तेथून पळ काढला. याप्रकरणी पंचवटी पोलिस ठाण्यात संशयितांविरोधात गुन्हा दाखल आहे. (latest marathi news)
पंचवटी पोलिसांनी तपास करीत सुरुवातीस स्वप्नील उन्हवणे, पवन भालेराव यांना अटक केली. ते न्यायालयीन कोठडीत आहेत. दरम्यान, या गुन्ह्यातील मुख्य सुत्रधार नितीन चौघुले हा सय्यद पिंप्री परिसरात येणार असल्याची माहिती पोलिस नाइक राकेश शिंदे व अंमलदार कुणाल पचलौरे यांना मिळाली होती. त्यानुसार वरिष्ठ पोलिस निरीक्षक मधुकर कड यांच्या मार्गदर्शनाखाली पोलिसांनी सापळा रचून संशयिताला अटक केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
