Nashik Bribe Crime : येथील धान्य वितरण कार्यालयातील अव्वल कारकून रवींद्र दहिते याला सोमवारी (ता.८) लाचलुचपत प्रतिबंधक विभागाच्या पथकाने २२ हजाराची लाच घेताना रंगेहाथ पकडले. त्याला अटक करण्यात आली आहे. शहरातील १५ गरजू कुटुंबातील सदस्यांचे एका सामाजिक कार्यकर्त्याने अंत्योदय योजना व पिवळ्या रेशन कार्डचे रेशन मिळण्यासाठी ऑनलाइन नोंदणी केलेली प्रकरणे सादर केली होती. (Nashik Crime Malegaon to clerk arrested for taking 22 thousand bribe marathi news)
धान्य वितरण कार्यालयातील अव्वल कारकून रवींद्र दहिते यांनी या कार्यकर्त्यांकडे ४ एप्रिलला प्रत्येक कुटुंबीयांचे दीड हजार रुपयांप्रमाणे एकूण १५ शिधापत्रिका ऑनलाइन नोंदणी करण्यासाठी २२ हजार ५०० रुपयांची मागणी केली होती. याबाबत संबंधित कार्यकर्त्याने लाचलुचपत प्रतिबंधक विभागाकडे तक्रार केली.
यानंतर विभागाच्या पथकाने सोमवारी (ता. ८) सापळा रचून २२ हजार ५०० पैकी कार्यकर्त्याला देत उर्वरित २२ हजार रुपये स्वीकारताना अटक केली. रात्री उशिरापर्यंत गुन्हा दाखल करण्याचे काम सुरू होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
