Nashik Crime News : 500 रुपयांवरून मित्राचा खून!

Nashik News : पाचशे रुपयांवरून झालेल्या वादात मित्रानेच मित्राचा खून केल्याची घटना भारतनगर परिसरात बुधवारी (ता. १९) रात्री अकरा ते साडेअकराच्या सुमारास घडली. पोलिसांनी संशयितास ताब्यात घेतले आहे. परवेज शेख असे मृताचे नाव आहे. आठ दिवसांत शहरातील खुनाची तिसरी घटना आहे. (Murder of friend for Rs 500)

संशयित इब्राहिम सय्यद याने परवेज शेख भारत याच्याकडे मोबाईल गहाण ठेवला होता. बुधवारी (ता. १९) रात्री साडेदहाच्या सुमारास संशयित इब्राहिम सय्यद मोबाईल सोडविण्यासाठी परवेज याच्याकडे आला. गहाण ठेवलेल्या रकमेतील पाचशे रुपयांवर दोघांमध्ये वाद झाले.

वादादरम्यान संशयिताने त्याच्याकडील धारदार शस्त्राने परवेज याच्यावर वार केला. त्यात त्याचा मृत्यू झाला. घटनेची माहिती मिळतात पोलिस घटनास्थळी दाखल झाले. घटनेची माहिती घेत तत्काळ त्यांनी संशयितास ताब्यात घेतले. (latest marathi news)

मुंबई नाका पोलिस ठाण्यात इब्राहिम सय्यद याच्याविरुद्ध खुनाचा गुन्हा दाखल झाला आहे. परवेज आणि संशयित इब्राहिम दोघेही मित्र आहेत. संशयितास पैशांची आवश्यकता भासल्याने त्याने त्याचा मोबाईल मित्र परवेजकडे गहाण ठेवला होता.

मोबाईल सोडविण्यासाठी संशयित सय्यदने परवेजची भेट घेतली. त्यावेळी त्यांच्यात पाचशे रुपयांवरून वाद उफाळून आला. त्यातून संशयिताने स्वतःच्या मित्राची हत्या केली, अशी प्राथमिक माहिती पोलिसांनी दिली.