Nashik Crime : नाशिकमध्ये पुन्हा गाड्यांची जाळपोळ, नागरिकांमध्ये दहशत

Vehicles Damage In Nashik : मागील काही दिवसांपासून नाशिकमध्ये वाहनांची तोडफोड आणि जाळपोळीच्या घटना घडत आहेत. काल रात्री पुन्हा अनेक दुचाकी आणि चार चाकी गाड्या जाळण्यात आलेल्या आहेत.

नाशिकच्या सिडको भागात काही दिवसांपूर्वी गाड्यांची तोडफोड आणि जाळपोळीच्या घटना घडल्या होत्या. सिडको नंतर आता नाशिकरोडच्या विहितगाव परिसरात काही युवकांनी दहशत पसरवण्याचा प्रयत्न केला आहे.

मध्यरात्री युवकांनी कोयता मिरवत अनेक गाड्यांवर कोयता मारुन तोडफोट केली. रामकृष्ण हरी प्राईड बिल्डिंग मधील अनेक गाड्या जाळून त्यांचं नुकसान केलं.

या घटनेमुळे परिसरातील नागरिक आक्रमक झाले असून नाशिक पोलिसांच्या कार्यक्षमतेवर प्रश्नचिन्ह निर्माण होतय. या घटनेमुळे परिसरात दहशत पसरली आहे. पोलिस प्रशासनाने या गंभीर प्रकाराचा सोक्षमोक्ष लावावा, अशी नागरिकांची मागणी आहे.