Nashik Crime News : इगतपुरीत वाइन शॉपवर दरोडा; गुन्हा दाखल

Nashik Crime News : शहरातील तळेगाव शिवारात मुंबई-नाशिक महामार्गाच्या सर्व्हिस रोडलगत असलेल्या चिवॉस वाइन शॉपवर शुक्रवार (ता. १६) पहाटेच्या सुमारास तळीराम चोरट्यांनी दरोडा टाकत दोन लाख १४ हजार ९०० रुपये व ६१ हजार १०० रुपयांच्या विविध प्रकारच्या किमतीच्या मद्याच्या बाटल्या, असा एकूण दोन लाख ७६ हजारांचा मुद्देमाल घेऊन पोबारा केला. (Nashik Crime)

कमलेश हरिप्रसाद नामदेव (वय ४७, वाइन शॉप मॅनेजर, रा. दुडमनिया, पो. दुडमनिया, ता. महुगंज, जि. रिवा, मध्य प्रदेश, हल्ली मु. चिवॉस वाइन्स शॉपशेजारी, शुभवास्तू आपार्टमेंट, तळेगाव शिवार) यांनी दिली आहे. घटनास्थळी पोलिस पथकाने पंचनामा करीत तपास सुरू केला असून, चोरट्यांनी शॉपमधील व परिसरातील सीसीटीव्हीच्या वायरी तोडून डीव्हीआर नेल्याने चोरट्यांची ओळख पटवणे अवघड झाले आहे.

पोलिस उपअधीक्षक बापूराव दडस व पोलिस निरीक्षक राहुल तसरे यांनी भेट दिली. घटनास्थळी श्वान पथक व ठसे तज्ज्ञांच्या पथकाला पाचारण करीत तपास सुरू केला आहे. पोलिस ठाण्यात चोरट्यांविरोधात गुन्हा दाखल करण्यात आला आहे.

पुढील तपास पोलिस निरीक्षक राहुल तसरे यांच्या मार्गदर्शनाखाली पोलिस उपनिरीक्षक संदीप शिंदे, सहाय्यक पोलिस निरीक्षक कांचन भोजने, एस. एस. जाधव, पोलिस हवालकार परदेशी, गोपनीय पोलिस नीलेश देवराज, विजय रूद्रे, अभिजित पोटिंदे आदी पथक करीत आहे.