सुरगाणा : पायरपाडा हतगड येथे तीन सख्खे भाऊ व पुतण्या या चौघांनी मिळून वृध्दाला दांडक्याने मारझोड केल्याने वृध्द ठार झाल्याने चौघांवर खुनाचा गुन्हा दाखल करण्यात आला आहे. (Nashik Crime Old man killed due to love dispute)
याबाबत पोलीस सुत्रांनी दिलेल्या माहितीनुसार दिनांक ११ जुलै रोजी संशयित आरोपी पांडुरंग रामू बागुल वय ४०, गोपाळ रामू बागुल वय ५५, चंदर रामू बागुल वय ५३, सोमनाथ चंदर बागुल वय ३० सर्व राहणार हतगड यांनी मयताची वृध्द पत्नी भीमाबाई देवराम गावित वय ५७, व मयत देवराम हरी गावित वय ६४ रा. यांना दांडक्याने बेदम मारझोड केल्याने १२ जुलै रोजी वृध्दाचा उपचारा दरम्यान मृत्यू झाला.
यामागील हकीकत अशी की, आरोपींचा मयत पुतण्या वासुदेव यशवंत बागुल वय २२ व मयत वृध्द देवराम गावित यांच्या नात्यातील एका मुलीशी प्रेम प्रकरण होते. सदर मुलगी व आरोपींचा पुतण्या हे एकाच गावातील होते. ११ जुलै रोजी वासुदेव बागुल यांने प्रेम विरहातून ओढणीने राहत्या घरात गळफास घेऊन आत्महत्या हत्या केली होती. (latest marathi news)
याचाच राग आरोपींनी मनात धरून तुमच्याच मुळे आमच्या पुतण्याने आत्महत्या केली. याचा राग मनात धरून चौघांनी दांडक्याने मारझोड केल्याने वृध्दाचा मृत्यू झाल्याने १४ जुलै २०२४ रोजी चौघांवर खुनाचा गुन्हा दाखल करण्यात आला.
यामध्ये चौघांना पोलीस कोठडी दिली आहे. याबाबत पोलीस निरीक्षक संजय गायकवाड यांच्या मार्गदर्शनाखाली सहाय्यक पोलीस निरीक्षक सुजित पाटील, शिवराम गायकवाड, चेतन बागुल, कैलास मानकर, जगदीश घुटे, अनिल चारोस्कर यांच्या तपास करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
