Nashik Crime News : धनादेश न वटल्याप्रकरणी आरोपीला एक वर्ष सश्रम कारावास

Nashik Crime News : धनादेश न वटल्याने नाशिक प्रथमवर्ग न्यायदंडाधिकारी यांनी आरोपीला एक वर्ष सश्रम कारावासाची शिक्षा सुनावली आहे. घनश्याम गोविंद दातीर (रा दातीर मळा, अंबड) असे आरोपीचे नाव आहे. (Nashik rigorous imprisonment for accused check bounce)

श्रीकृष्ण रामचंद्र पाचपांडे यांच्या फिर्यादीनुसार, अंबड येथील फ्लॅटबाबत व्यवहार निश्चित केलेला होता. परंतु आरोपी दातीर यांनी फ्लॅटचा व्यवहार पूर्ण केला नाही, म्हणून फिर्यादी पाचपांडे यांना व्यवहार पूर्ण करण्याच्या बदल्यात आरोपी दातीर यांनी ३५ लाखांचा धनादेश ३ ऑगस्ट २०१९ रोजी दिला होता.

मात्र हा धनादेश वठाला नाही. त्यामुळे पाचपांडे यांनी या प्रकरणी नाशिक न्यायालयात धाव घेत आरोपी दातीर यांच्याविरोधात दावा दाखल केला. या प्रकरणात दोन्ही पक्षाचे युक्तीवाद झाल्यानंतर प्रथमवर्ग न्यायदंडाधिकारी जी. एम. कोल्हापूरे यांनी आरोपी घनश्याम गोविंद दातीर यांना एक वर्ष सश्रम कारावासाची शिक्षा ठोठावली.फिर्यादी पक्षातर्फे अ‍ॅड. किरण बोंबले यांनी काम पाहिले.