नाशिक : सातपूर परिसरातील बजरंग नगरमध्ये अण्णाचा मळा हॉटेल जवळ असलेल्या नाल्यातील झाडाच्या आडोशाला राजरोसपणे सुरू असलेल्या जुगार अड्ड्यावर सातपूर पोलिसांनी धाड टाकून कारवाई केली. याप्रकरणी तिघांविरोधात गुन्हा दाखल करण्यात आला आहे. ( Police raid gambling den in Satpur near Annamalai Hotel )
नेताजी वसंत आहिरे (३४, रा. भगवती अपार्टमेंट, सातपूर कॉलनी), मनोज अशोक भंदुरे (२८, रा. राजश्री पार्क, अशोकनगर, सातपूर), सतिश पुंडलिक गांगुर्डे (३३, रा. सावतानगर, सिडको) असे गुन्हा दाखल करण्यात आलेल्या संशयितांची नावे आहेत. सातपूर पोलिस ठाण्याच्या गस्ती पथकाला जुगार अड्डा सुरू असल्याची खबर मिळाली होती. त्यानुसार बजरंग नगरमध्ये असलेल्या अण्णाचा मळा हॉटेललगत नाला आहे.
या नाल्यातील झाडाच्या आडोशाला भरदिवसा राजरोसपणे पैसे लावून ५२ पत्त्यांवर अंदर-बाहर जुगार खेळविला जात होता. पोलिसांनी या जुगार अड्ड्यावर बुधवारी (ता. १७) दुपारी चारच्या सुमारास छापा टाकला असता, संशयित जुगार खेळताना व खेळविताना आढळून आले. पोलिसांनी यावेळी २ हजार ९१० रुपयांचे जुगाराचे साहित्य जप्त करण्यात आले. यावेळी अंमलदार भूषण शेजवळ यांच्या फिर्यादीनुसार सातपूर पोलिसात गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
