Nashik Crime News : नाशिक- मुंबई महामार्गावरील तळेगाव शिवारातील चिवॉज वाइन शॉपमध्ये पावणेतीन लाखाची जबरी चोरी झाल्याची घटना ताजी असतानाच हॉटेल शाही प्लाझा येथे मध्यरात्रीच्या सुमारास धाडसी चोरी झाल्याची घटना शनिवार (ता. २४ रोजी) पहाटे घडली. या घटनेमुळे महामार्गावर व्यवसाय करणाऱ्या व्यावसायिकांचे धाबे दणाणले आहेत. (Nashik Crime Robbery at Hotel Shahi Plaza in Igatpuri marathi news)
शहरातील हॉटेल शाही प्लाझाच्या किचनची खिडकी तोडून चोरट्यांनी आतमध्ये प्रवेश करत एक लाख पाच हजार रुपये रोख व जवळपास एक लाख रुपयांच्या महागड्या स्कॉचच्या मोठ्या मद्याच्या बाटल्या असा जवळपास दोन लाखांचा मुद्देमाल घेऊन पोबारा केला. विशेष म्हणजे दोन्ही ठिकाणी चोरी करताना चोरट्यांनी सीसीटीव्हीच्या वायरी तोडून डिव्हीआरच चोरुन नेला आहे.
चोरीची घटना कळताच पोलिस निरीक्षक राहुल तसरे यांनी भेट पंचनामा केला. त्यानंतर श्वान पथक व फिंगर प्रिंट तज्ज्ञांचे पथक यांनी घटनास्थळी दाखल झाले. या घटनेचा अधिक तपास पोलिस निरीक्षक राहुल तसरे यांच्या मार्गदर्शनाखाली पोलिस उपनिरीक्षक कांचन भोजने, संदीप शिंदे, नीलेश देवराज, अभिजीत पोटिंदे, योगेश भावनाथ, मनोज पवार, प्रदीप घेगडमल, रविंद्र कचरे आदी करत आहे.
गस्त वाढविण्याची मागणी
शहर व परिसरात मागील काही दिवसांपासून लूटमारीच्या घटनांमध्ये वाढ झाली आहे. गेल्या महिन्यात एका निवृत्त शिक्षकाला पोलिस असल्याचे भासवीत दोन जणांनी एक लाख रुपयाला गंडा घातला होता. सतत घडणाऱ्या चोरीच्या घटनेमुळे चोरट्यांनी पोलिसांपुढे मोठे आव्हान उभे ठाकले आहे.सतत होणाऱ्या चोऱ्यांच्या या घटनेमुळे व्यावसायिकांमध्ये दहशतीचे वातावरण निर्माण झाले असून रात्री पोलिसांची गस्त वाढविण्याची मागणी नागरिकांनी केली आहे. (latest marathi news)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
