मालेगाव : हातउसनवार घेतलेल्या पैशांपोटी दिलेला धनादेश न वटल्यामुळे धनादेश देऊन फसवणूक करणाऱ्या संशयितास येथील न्यायालयाने दोन वर्ष कारावास, दहा लाख रुपये दंड, ९ टक्के व्याजासह अदा करण्याचा आदेश दिला. अतिरिक्त मुख्य न्यायदंडाधिकारी तेजवंतसिंग संधू यांनी हा निकाल दिला. (Nashik Crime Suspect gets 2 years imprisonment and 10 lakh fine for bouncing of cheque marathi news)
तिसगाव (ता. देवळा) येथील त्र्यंबक वाघ यांनी सौंदाणे (ता. मालेगाव) येथील किरण पवार यांच्याकडुन पाच लाख रुपये हातउसनवार म्हणून घेतले होते. श्री. पवार यांनी काही कालावधीनंतर या रक्कमेची मागणी केली. रक्कम परतफेडीसाठी श्री. वाघ यांनी त्यांच्या कोटक महिंद्रा बँक शाखा मुंगसे (ता. मालेगाव) या बँकेचा धनादेश (क्रमांक ००००३१) ४ फेब्रुवारी २०२२ या तारखेचा दिला.
श्री. पवार यांनी धनादेश वटविण्यासाठी बँकेत भरला असता बँकेत पुरेशी रक्कम शिल्लक नसल्यामुळे धनादेश वटला नाही. त्याविरोधात श्री. पवार यांनी न्यायालयात दावा दाखल केला. न्यायाधीश संधू यांच्या न्यायालयात या खटल्याचे कामकाज चालले.
श्री. पवार यांच्यातर्फे ॲड. एस. बी. इंगळे यांनी बाजू मांडली. श्री. पवार यांची साक्ष नोंदविण्यात आली. या व्यवहारातील धनादेश, बाऊंस मेमो, नोटीस आदी मुळ कागदपत्रांमुळे न्यायालयासमोर गुन्हा सिद्ध झाल्याने न्यायालयाने दहा लाख रुपये दंड, ९ टक्के व्याजासह अदा करतांना दोन वर्षे कारावासाची शिक्षा सुनावली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
