![Two inn gangsters who were arrested along with Gavathi Kattya of Bhadrakali area. along with the team of Unit One of the City Crime Branch.](http://media.assettype.com/esakal%2F2024-06%2Fb8309630-04b1-4dbb-b3c6-a9f2fb4cd61b%2FUttar_Maharashtra__8_.jpg?rect=0%2C0%2C1200%2C675&w=480&auto=format%2Ccompress&fit=max)
Nashik Crime News : कथडा परिसरातून एका सराईत गुंडाला तर, चौक मंडईतून तडीपार गुंड या दोघांना शहर गुन्हेशाखेच्या युनिट एकच्या पथकाने गावठी कट्टा व तीन जिवंत काडतुसांसह अटक केली आहे. (Nashik Crime Two inn gangsters arrested with knife)
रेकॉर्डवरील गुन्हेगारांचा शोध घेत असताना शहर गुन्हेशाखेच्या युनिट एकचे अंमलदार विशाल देवरे यांना सराईत गुंड गावठी कट्टा बाळगून फिरत असल्याची खबर मिळाली होती. त्यानुसार, पथकाने कथडा रोडवरील भोई गल्लीत सापळा रचून संशयित मुज्जफर उर्फ मज्जू मैनौद्दिन शेख (४२, रा. भोई गल्ली, कथडा, भद्रकाली) यास अटक केली. त्याची झडती घेतली असता त्याच्याकडून ३० हजारांचा बनावट कट्टा व एक जिवंत काडतुस हस्तगत करण्यात आला.
तसेच, युनिट एकच्या पथकाला चौक मंडई परिसरात तडीपार गुंड आल्याची खबर मिळाली असता, पथकाने संशयित तडीपार गुंड आवेश उर्फ अव्वा निसार शेख (२३, रा. चौक मंडई, भद्रकाली) यास सापळा रचून अटक केली. त्याच्याकडून ३० हजारांचा गावठी कट्टा व दोन जिवंत काडतुसे हस्तगत करण्यात आली. या दोघांविरोधात भद्रकाली पोलिसात गुन्हा दाखल करण्यात आला असून, तपासाकामी भद्रकाली पोलिसांच्या ताब्यात देण्यात आले आहे. (latest marathi news)
सदरची कामगिरी युनिट एकचे वरिष्ठ पोलीस निरीक्षक मधुकर कड यांच्या मार्गदर्शनाखाली सहायक निरीक्षक हेमंत तोडकर, रवींद्र बागुल, प्रवीण वाघमारे, प्रदीप म्हसदे, विशाल काठे, संदीप भांड, शरद सोनवणे, विशाल देवरे, नाझीम खान, जगेश्वर बोरसे, अमोल कोष्टी यांनी बजावली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.