Nashik Crime News : हल्ला करणाऱ्या संशयिताचा व्हिडीओ व्हायरल

Nashik Crime News : लेखानगर येथे नुकताच गौळाणे (ता. नाशिक) गावच्या सरपंचावर प्राणघातक हल्ला करण्याचा प्रयत्न झाला होता. या प्रकरणातील पसार झालेल्या संशयितांनी अंबड पोलिसांच्या नाकावर टिच्चून, चारचाकीमध्ये धारधार शस्त्र दाखवत व्हिडिओ रेकॉर्डिंग करून ता सोशल मीडियावर व्हायरल केल्याची घटना समोर आली आहे. यावरून व्हिडीओमुळे गुंड प्रवृत्ती आता पोलिसांनाही जुमानत नसल्याचे दिसून येत असून. (Crime video of attack suspect goes viral )

अद्यापही संशयित यांच्यावर कारवाई झालेली नाही. लेखानगर भागात एका गरीब व्यावसायिकास काहीनी मारहाण केली होती. याबाबत व्यावसायिकास पोलिसांत तक्रार करायला लावली म्हणून सरपंच अजिंक्य चुंभळे यांच्यावर धावून येत चार ते पाच जणांनी चॉपर व कोयते आणत जिवे मारण्याचा प्रयत्न केला होता.

याप्रकरणी अंबड पोलिसात संशयित अजय आठवले, सोपियान शेख, शहारुख शेख, राजच आठवले, रोहित आठवले, रोहित मोरे (सर्व रा. लेखा नगर वसाहत) यांच्यावर गुन्हा दाखल करण्यात आला आहे. मात्र घटना घडल्यानंतर संशयित कारने फरार झाल्याचा व्हिडिओ समोर आला असून, संशयित हातात चॉपर दाखवत गाण्यांमध्ये मग्न झाला आहे. या व्हिडिओची सर्वत्र एकच चर्चा रंगली असून, पोलिस आता तरी मनावर घेतील काय? असा प्रश्न उपस्थित केला जात आहे.