Nashik Damage Road: संततधार पावसाने रस्त्यांवर खड्ड्‌यांचे साम्राज्य

Nashik Damage Road : शहरात तीन दिवसांपासून पावसाची संततधार सुरू आहे. यामुळे शहरातील रस्त्यांवर जागोजागी खड्ड्‌यांचे साम्राज्य झाले आहे.

रस्त्यावर खड्डे पडल्याने वाहतूक संथ होऊन कोंडीची समस्या होते आहे. विशेषतः शहरातून जाणाऱ्या मुंबई-आग्रा महामार्गांवरही खड्डे पडले आहे. (Nashik Damage Road Incessant rains cause potholes on roads)

शहरात मागील तीन-चार दिवसांपासून पावसाचा जोर वाढला आहे. अखेरच्या टप्प्यात सुरु असलेल्या पावसामुळे मोठा दिलासा मिळाला आहे. मात्र दुसरीकडे शहरातील रस्त्यांची मात्र पुरती वाट लागली आहे.

संततधार पावसाने शहरातील बहुतांशी रस्त्यावर खड्ड्यांचे साम्राज्य पसरले आहे. अनेक ठिकाणी तर रस्त्यावरील खड्ड्यांमुळे वाहनचालकांना वाहन चालविताना चांगलीच कसरत करावी लागते आहे.