Nashik News : नांदगाव तालुक्यातील लांबबर्डी जिल्हा परिषद प्राथमिक शाळा, पांझण सोसायटी व मन्याड चौकी या शाळांना टाटा पॉवर कंपनीतर्फे सीएसआर फंडातून २ किलो वॅट क्षमतेचे संपूर्ण सोलर इन्व्हर्टर सिस्टिम देण्यात आली आहे. लांबबर्डी (साकोरा) येथे जिल्हा परिषद प्राथमिक शाळेत सोलर सिस्टिमचे उद्घाटन करण्यात आले. (nashik Tata Solar System marathi news)
टाटा पॉवर कंपनीचे स्टोअर इन्चार्ज मंगेश काळे, सेफ्टी ऑफिसर सुजित रॉय, अहमद राजा, इंजिनिअर धैर्यशील पाटील व शाळा व्यवस्थापन समिती सदस्य उपस्थित होते. सोलर इन्व्हर्टर सिस्टीममुळे शाळेतील विजेचा प्रश्‍न सुटला आहे. सर्वच जिल्हा परिषद शाळा डिजिटल झाल्या आहेत. परंतु, विजेच्या समस्येमुळे डिजिटल साधने वापरणे गैरसोयीचे ठरते. शाळांना व्यापारी दराने भरमसाठ वीजबिल येते. (latest marathi news)
त्यामुळे वीजबिल न भरल्यामुळे वीज कनेक्शन खंडित होते. प्रत्येक शाळेस समाजाचा सहभाग किंवा शासकीय योजनेतून या प्रकारची सोलर सिस्टिम उपलब्ध झाल्यास विजेची समस्या कायमची दूर होईल. खऱ्या अर्थाने डिजिटल साधनांचा विद्यार्थ्यांसाठी शिक्षकांना उपयोग करता येईल. दरम्यान, यावेळी उमेश बोरसे यांनी प्रास्ताविक केले. मुख्याध्यापक अविनाश खोंडे यांनी आभार मानले.
तीन शाळांनाही यापूर्वी मदत
केंद्र सरकारने पंतप्रधान सूर्यघर मोफत वीज योजना सुरू केली आहे. या योजनेत देशातील एक कोटी घरांवर सोलर पॅनेल बसवले जाणार आहेत. या योजनेसाठी ७५ हजार कोटी अनुदान मंजूर करण्यात आले आहे. या योजनेतून जिल्हा परिषद प्राथमिक शाळांनाही लाभ देण्यात यावा. टाटा पॉवर कंपनीने यापूर्वीही तीन शाळांना स्मार्ट ॲक्टिव्ह डिजिटल बोर्ड भेट दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
