![Bribe Crime](http://media.assettype.com/esakal%2F2024-05%2Fe31e62ba-b697-4105-b3d7-efdb5c0b95cd%2Fnashik__News___9_.jpg?rect=0%2C0%2C1200%2C675&w=480&auto=format%2Ccompress&fit=max)
Nashik News : दीड लाख रुपयांच्या लाचखोरीच्या गुन्ह्यात फरार असलेले पुरातत्त्व व वस्तुसंग्रहालयाचे संचालक डॉ. तेजस गर्गे यांचा पदभार शासनाने काढून घेतला आहे. तर, गर्गे यांनी अटकपूर्व जामिनासाठी न्यायालयात धाव घेतली असून त्यावर शुक्रवारी (ता.१७) सुनावणी होणार आहे. (Nashik Crime News)
गेल्या ७ मे रोजी दीड लाखांच्या लाचप्रकरणी नाशिकच्या लाचलुचपत प्रतिबंधक विभागाने पुरातत्त्व व वस्तुसंग्रहालयाचे संचालक डॉ. तेजस गर्गे आणि नाशिकच्या सहायक संचालक आरती आळे यांच्याविरोधात गुन्हा दाखल केला होता. तेव्हापासून डॉ. गर्गे फरार आहेत तर, आरती आळे या प्रसूती रजेवर असल्याने त्यांना नोटीस बजावून त्यांची चौकशी केली जात आहे.
गेल्या आठवडाभरापासून फरार असलेले लाचखोर गर्गे यांचा शासनाने पदभार काढून घेत पुराभिलेख संचालनालयाचे संचालक सुजितकुमार उगले यांच्याकडे अतिरिक्त पदभार दिला आहे. तसेच, लाचलुचपत प्रतिबंधक विभागाने शासनाकडे गर्गे यांच्यावर निलंबनाच्या कारवाईचा प्रस्ताव दिला आहे.
तर, दुसरीकडे गर्गे यांच्या नाशिकमधील कुटुंबीयांची लाचलुचपत प्रतिबंधक विभागाकडून चौकशी केली जात आहे. यामुळे लपतछपत फिरणारे गर्गे यांची नाकाबंदी करण्याचा प्रयत्न लाचलुचपत प्रतिबंधक विभागाने केली आहे. त्यांचे मुंबईतील महालक्ष्मी रोड, रेसकोर्सजवळील घर सील केले आहे.
जामिनास विरोधाची शक्यता
लाचखोर गर्गे यांनी अटकपूर्व जामिनासाठी नाशिक जिल्हा व सत्र न्यायालयात धाव घेतली आहे. त्यासंदर्भात शुक्रवारी (ता.१७) सुनावणी होणार आहे. मात्र गर्गे यांच्याविरोधात गुन्हा दाखल झाल्यापासून फरार असल्याने त्यांच्या अटकपूर्व जामिनाविरोधात लाचलुचपत प्रतिबंधक विभागाकडून जोरदार विरोध होण्याची शक्यता आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.