नाशिक रोड : देवळाली मतदारसंघात आमदार सरोज अहिरे यांच्या माध्यमातून गेल्या पंधरवड्यापर्यंत पावणे चारशे कोटी रुपयांची विकासकामे मंजूर झाली होती. आता नव्याने २६ कोटी रुपयांची कामे मंजूर करण्यात आल्याने पावणेतीन वर्षात तब्बल चारशे कोटींच्या विकासकामांना गवसणी घातली आहे. शहरालगत असलेल्या शिंदे गावात अनेक वर्षांपासून पिण्याच्या पाण्याचा प्रश्न भेडसावत होता. आमदार सरोज अहिरे यांच्या प्रयत्नातून जलजीवन मिशनअंतर्गत १८ कोटींची योजना मंजूर करण्यात आली.
पाणीपुरवठा योजना मंजूर झाल्याचे वृत्त समजताच ग्रामस्थांनी ग्रामपंचायत कार्यालयासमोर फटाके वाजवून व पेढे वाटून जल्लोष केला. योजनेसाठी माजी सरपंच रतन जाधव यांनी पाठपुरावा केला होता. या वेळी सरपंच गोरख जाधव, उपसरपंच अनिता तुंगार, कैलास भांगरे, मोतीराम जाधव, रामदास तुंगार, ग्रामपंचायत सदस्य बाजीराव जाधव, बालम बोराडे, ज्ञानेश्वर जाधव, गणपत जाधव, वंदना जाधव, शालिनी तुंगार, अर्चना जाधव, सुप्रिया तुंगार, हिराबाई जाधव, अश्विनी साळवे, ग्रामविकास अधिकारी सुरेश भोजने, सुदाम जाधव, विष्णू बोराडे, गणेश जाधव, विश्वनाथ जाधव आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
