सबस्क्राईब करा
नाशिक : विजयादशमी निमित्ताने शहर पोलिस मुख्यालयाच्या शस्त्रागारात पोलीस आयुक्त संदीप कर्णिक व नाशिक ग्रामीण पोलिस अधीक्षक कार्यालयाच्या शस्त्रागारात अधीक्षक विक्रम देशमाने यांच्या हस्ते पोलिस शस्त्रांचे विधीवत पूजन करण्यात आले. (Dussehra Arms Worship by Urban Rural Police Force on occasion of Vijayadashami )
यावेळी गुन्हेशाखेचे उपायुक्त प्रशांत बच्छाव, परिमंडळ एकचे उपायुक्त किरणकुमार चव्हाण, शहर मुख्यालयाचे उपायुक्त चंद्रकांत खांडवी, परिमंडळ दोनच्या उपायुक्त मोनिका राऊत, यांच्यासह सहाय्यक आयुक्त, पोलिस अधिकारी, कर्मचारी उपस्थित हाेते. त्याचप्रमाणे, आडगाव येथील नाशिक ग्रामीण पोलिस मुख्यालयात पोलिस अधीक्षक विक्रम देशमाने यांच्या हस्ते पोलिस शस्त्रांचे विधीवत पूजन करण्यात आले. यावेळी अपर पोलिस अधीक्षक आदित्य मिरखेलकर यांच्यासह उपविभागीय अधिकारी, पोलिस निरीक्षक, कर्मचारी उपस्थित होते. (latest marathi news )
विजयादशमीनिमित्त शस्त्र पूजनाची परंपरा असून, या परंपरेनुसार शहर व पोलिस दलातील शस्त्रगारात असलेल्या शस्त्रसाठ्याचे पूजन करुन वंदन करण्यात आले. शस्त्रांना पुष्प अर्पण करुन प्रभावी पोलिसिंग करण्यासंदर्भात पोलिस दलातील अधिकारी-कर्मचाऱ्यांना सूचना वरिष्ठ अधिकार्यांनी केल्या.
अत्याधुनिक हत्यारांचे पूजन
दाेन्हीही मुख्यालयात पारंपारिक पद्धतीने विविध शस्त्रांची मांडणी करण्यात आली होती. यात अत्याधुनिक एके -४७, एमीपी-५, एसएलआर, पिस्तूल, ब्लाॅक पिस्तूल, अॅटाे पिस्तूल, पाॅईंट ३.८ रिव्हाॅल्व्हरसह काडतुसे मांडण्यात आली होती. याचप्रमाणे शहर-जिल्ह्यातील पोलीस ठाण्यांमध्येही शस्त्रपूजन करण्यात आले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
