नाशिक : महानिर्मिती ही राष्ट्रीय तथा राज्य पातळीवर वीज उत्पादन क्षेत्रातील विश्वसनीय आणि नामांकित अशी कंपनी असून मनुष्यबळ भरती प्रक्रिया पारदर्शक पद्धतीने राबविण्याची रीतसर प्रक्रिया आहे. महानिर्मितीमध्ये थेट नियुक्ती अथवा निवड करण्यात येत नाही याची सर्वांनी नोंद घ्यावी. नुकतेच समाज माध्यमांवर दोन बनावटी/फेक नियुक्ती पत्रे व्हायरल होत आहेत. महानिर्मितीकडून असल्या प्रकारची कुठलीही प्रक्रिया राबविण्यात आलेली नाही. (Fake appointment letter along with cautionary notice from Mahavitaran )
महानिर्मितीच्या लेटरहेडचा तसेच अधिकारी नाव आणि पदनामाचा हा गैरवापर आहे. हे पूर्णत: गैरकृत्य असून बेरोजगारांची दिशाभूल, भावनेशी खेळण्याचा, आर्थिक शोषण करण्याचा आणि महानिर्मितीची प्रतिमा मालिन करण्याचा प्रयत्न आहे.महानिर्मिती भरती प्रक्रियेसंबंधी महानिर्मितीच्या (www.mahagenco.in) संकेतस्थळावरून वेळोवेळी माहिती घ्यावी आणि वरील गैरप्रकारापासून परावृत्त व्हावे असे आवाहन महानिर्मितीचे कार्यकारी संचालक (मानव संसाधन) डॉ. धनंजय सावळकर यांनी प्रसिद्धी पत्रकाद्वारे कळविले आहे. (latest marathi news)
महानिर्मिती भरती प्रक्रिया पद्धती
महानिर्मिती कंपनीमध्ये नोकरीवर लागण्याकरिता ऑनलाईन/ऑफलाईन पद्धतीने भरती प्रक्रिया राबविण्यात येते. ज्यामध्ये वृत्तपत्रांत जाहिरात प्रसिद्ध करण्यात येते सोबतच महानिर्मितीच्या संकेतस्थळावर तपशीलवार माहिती देखील उपलब्ध करून देण्यात येते. त्यानंतर लेखी परीक्षा व तोंडी परीक्षेसंदर्भात संबंधित उमेदवारांना वेळोवेळी कळविण्यात येते. मूळ कागदपत्रे तपासल्यानंतर निवडीबाबतची अंतिम यादी महानिर्मितीच्या संकेतस्थळावर देण्यात येते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
