Nashik News : पंतप्रधान कृषी सिंचन योजनेंतर्गत तुषार व ठिबक सिंचन योजनेतील साडेआठ हजार शेतकऱ्यांचे २५ कोटींचे अनुदान थकले आहे. ते त्वरित न मिळाल्यास थेट कृषिमंत्र्यांच्या घरासमोर आंदोलन करण्याचा इशारा जय किसान फार्मर्स फोरमने दिला आहे. चांदवड तालुक्यातील शेतकऱ्यांनी सोमवारी (ता. ५) फोरमच्या माध्यमातून जिल्हा उपसंचालक जगदीश पाटील व जिल्हा कृषी अधीक्षक विवेक सोनवणे यांची भेट घेतली. त्यांना दिलेल्या निवेदनानुसार २०२३-२४ मधील ठिबक सिंचनचे २५ कोटींचे अनुदान रखडले आहे. ते कधी मिळणार, याची शेतकऱ्यांना प्रतीक्षा आहे. ( Farmers deprived of 25 crore subsidy for drip irrigation )
शेतकऱ्यांना ऑगस्टअखेर अनुदान न मिळाल्यास आंदोलनाचा इशारा संघटनेचे विभागीय अध्यक्ष निवृत्ती न्याहारकर यांनी दिला. शेतकऱ्यांची सोडत (लॉटरी) पद्धतीने निवड करण्यात आल्यानंतर लाभार्थी शेतकऱ्यांच्या खात्यावर अनुदान वितरित होणे अपेक्षित असताना ते अद्याप झालेले नाही. हे अनुदान केंद्र व राज्य शासन वितरित करते. मात्र, काही महिन्यांपासून या योजनेच्या अनुदानाला ‘ब्रेक’ लागला आहे. जिल्ह्यातील जवळपास साडेआठ हजार शेतकऱ्यांनी ठिबक सिंचन योजनेचा लाभ घेतला असून, अजून हे अनुदान शेतकऱ्यांच्या बँक खात्यात जमा झालेले नाही. (latest marathi news)
या अनुदानासाठी कृषी विभागाने कोणत्याही हालचाली केलेल्या नाहीत, असा आरोप शेतकऱ्यांनी केला. आता आचारसंहिता संपल्याने कृषी विभागाने पाठपुरावा करावा, अशी मागणी करण्यात आली. संजय जाधव, रमेश तिडके, शशिकांत तिडके, अरविंद भंदुरे, राहुल काकड, संजय गाडगे, भरत भोर, सुरेश बच्छाव, गोविंदा महाले, रामभाऊ न्याहारकर, दिलीप गायकवाड, प्रकाश सोनवणे, प्रमोद पालवे, शिवाजी न्याहारकर, अजिंक्य देसमुख, सिंधूबाई परदेशी, राकेश शिंदे, हेमंत पवार, सुरेश काकड, कविता पवार, सुमन आहेर, माधवराव पवार, केवळ पवार, शांताराम गुंजाळ आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
