नाशिक/ पंचवटी : प्रचारादरम्यान झालेल्या वाद, राडा यामुळे चर्चेत राहिलेल्या नाशिक पूर्व विधानसभा मतदारसंघात किरकोळ वाद वगळता बुधवारी (ता. २०) शांततेत मतदान पार पडले. सकाळपासूनच मतदारसंघातील मतदार केंद्रांवर मतदारांचा मतदानासाठी उत्साह दिसला असला तरी, दुपारी मतदारांमध्ये अनुत्साह दिसून आला. दुपारी चारनंतर, काही ठराविक केंद्रावर मतदारांच्या रांगा होत्या. पंचवटीत मतदारांना पैसे वाटण्यावरून दोन गटात गोंधळ झाल्याने पोलिसांना सौम्य लाठीचार्ज करावा लागला.