सोग्रस : भारतीय रेल्वे व नाशिक महापालिकेत नोकरीला लावून देण्याचे आमिष दाखवून चांदवड तालुक्यातील सात तरुणांची २७ लाख पाच हजार ७०४ रुपयांच्या फसवणुकीची घटना नुकतीच उघडकीस आली. संशयित अनिल दरेकर (रा. निमगव्हाण) याच्याविरधात फसवणुकीचा गुन्हा दाखल झाला आहे. (Nashik Fraud Crime 7 persons cheated with lure of job news)
याप्रकरणी चांदवड पोलिसांत फसवणुकीचा गुन्हा दाखल झाला. कळमदरे (ता. चांदवड) येथील देवीदास सुखदेव जाधव यांच्या फिर्यादीनुसार अनिल मधुकर दरेकर (रा. निमगव्हाण, ता. चांदवड) यांनी फिर्यादी व साक्षीदारांना भारतीय रेल्वे व नाशिक महापालिकेत नोकरीला लावून देण्याचे आमिष दाखवून त्यांचा विश्वास संपादन केला.
त्यांच्याकडून वेळोवेळी नेट बँकिंगद्वारे ऑनलाइन २२ लाख पाच हजार ७०४ व पाच लाख रुपयांची रोकड असे एकूण २७ लाख पाच हजार ७०४ रुपये घेतले. संबंधितांनी नोकरीबाबत विचारणा केली असता त्याने उडवाउडवीची उत्तरे दिल्याने त्यांना संशय आला. (latest marathi news)
त्यानंतर फिर्यादींनी त्याच्याकडे नोकरी लावून दे, अन्यथा पैसे परत कर, असा तगादा लावला. मात्र अनिल दरेकरने पैसे देणे दूरच, उलट संबंधितांना फोनवरून शिवीगाळ व धमकी दिल्याने आपली आर्थिक फसवणूक झाल्याचे लक्षात आल्याने त्यांनी चांदवड पोलिसांत अनिल दरेकरविरोधात फसवणुकीचा गुन्हा दाखल केला. चांदवड पोलिस अधिक तपास करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
