नाशिक : पाथर्डी फाटा परिसरात महिलेने तर, उपनगर परिसरात इसमाने राहत्या घरात गळफास लावून घेत आत्महत्त्या केली. याप्रकरणी संबंधित पोलिसात गुन्हे दाखल करण्यात आले आहेत. पाथर्डी फाटा परिसरातील ज्ञानेश्वर नगरमध्ये प्रिया संदीप म्हस्के (३५, रा. शिवप्राईड अपार्टमेंट) यांनी गुरुवारी (ता. १६) रात्री नऊ वाजेच्या सुमारास राहत्या घराच्या हॉलमध्ये छताच्या हुकाला ओढणीने गळफास लावून घेत आत्महत्त्या केली. ()
जिल्हा रुग्णालयात उपचारासाठी आणले असता, वैद्यकीय अधिकार्यांनी तपासून मयत घोषित केले. याप्रकरणी इंदिरानगर पोलिसात अकस्मात मृत्युची नोंद करण्यात आली आहे. तर, दुसरी घटना जयभवानी रोडवरील जाचक मळ्यात घडली. बाळासाहेब सुरेश जाचक (४५, रा. जाचक मळा, जयभवानी रोड) यांनी शुक्रवारी (ता. १७) दुपारी बारापूर्वी राहत्या घरात छताला दोरीने गळफास लावून घेत आत्महत्त्या केली.
ते घरात एकटेच होते. त्यांची पत्नी अवंतिका यांनी त्यांना तत्पूर्वी मोबाईलवरून संपर्क साधला असता संपर्क झाला नाही. त्यामुळे त्यांनी त्यांच्या ओळखीतील विशाल लोळगे यांना घरी पाठविले असता, त्यावेळी जाचक यांनी गळफास घेतल्याचे उघड झाले. याप्रकरणी उपनगर पोलिसात अकस्मात मृत्युची नोंद करण्यात आली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
