Nashik Vegetables Market : पालेभाज्यांची आवक निम्म्यावर; प्रतवारीनुसार बाजारभाव कमी-जास्त

पंचवटी : गेल्या तीन दिवसांपासून चांगलीच हजेरी लावणाऱ्या पावसाने सद्यस्थितीत उघडीप दिली असली तरी पालेभाज्यांची आवक ही पन्नास टक्क्यांवर आली आहे. त्यामुळे प्रतवारीनुसार बाजारभाव मिळत आहे. मात्र, फळभाज्यांची आवक कमी झाल्याने बाजारभाव वधारले आहेत. (Inflow of leafy vegetables on half)

नाशिक कृषी उत्पन्न बाजार समितीत सद्यःस्थितीत नाशिक, सिन्नर, दिंडोरी, पिंपळगाव, त्र्यंबकेश्वर आदी भागांतून पालेभाज्या व फळभाज्या येत आहेत. बाजार समितीत खरेदी केलेला शेतमाल हा मुंबई, गुजरात अहमदाबादकडे पाठविला जातो. पाऊस व वाऱ्यामुळे फळभाज्यांमध्ये सध्या आवक घटली आहे.

बाजार समितीत रविवारी (ता.१३) झालेल्या लिलावात काकडी ११ ते १७ रुपये, दुधी भोपळा १२ ते २० रुपये, गिलके ३० ते ४० रुपये, कारले १० ते १५ रुपये, दोडका ३० ते ४२ रुपये, शिमला मिरची ६५ ते ९० रुपये, हिरवी मिरची ७० ते ९० रुपये, वाटाणा १०० ते १३० रुपये, वाल ५५ ते ७० रुपये, गवार २५ ते ३५ रुपये, घेवडा ५५ ते ७५ रुपये, गाजर २० ते ३० रुपये, वांगी ४० ते ६५ रुपये, भेंडी ३५ ते ४५ रुपये, टोमॅटो २८ ते ४५ रुपये प्रति किलो असे दर मिळाले. (latest marathi news)

किरकोळ विक्रेत्यांकडे हेच दर प्रतिकिलो तीस ते चाळीस रुपये वाढीव असतात. गावठी कोथिंबीर ५ ते ४३ रुपये, चायना कोथिंबीर २ ते ६० रुपये, मेथी २० ते ४२ रुपये, शेपू १०ते ३७ रुपये, कांदापात १५ ते ४३ रुपये जुडीला भाव मिळाला. तेच किरकोळ बाजारात जुडी छोटी करून दुप्पट दराने विक्री होत आहेत.

बाजारभाव वाढल्याची कारणे

- गेल्या तीन दिवसांपासून पावसाची उघडीप

- वादळ-वाऱ्यामुळे फळभाज्यांची फुलगळ

- परिणामी फळ उत्पादनात घट

- परिणामी आवक कमी होते