Nashik Traffic Route Change: पंचवटीत जगन्नाथ रथ यात्रा मिरवणूक उद्या! शहरातील वाहतूक मार्गात बदल; पर्यायी मार्गांचा करावा वापर

Nashik Traffic Route Change : रविवारी (ता. ७) श्री जगन्नाथ रथ यात्रा मिरवणूक निघणार आहे. ही यात्रा मिरवणूक पंचवटी, भद्रकाली आणि सरकारवाडा पोलिस ठाण्याच्या हद्दीतून निघणार असल्याने या परिसरातील वाहतूक मार्गात बदल करण्यात आला आहे. त्यामुळे वाहनचालकांनी पर्यायी मार्गांचा वापर करावा, असे आवाहन शहर वाहतूक शाखेतर्फे उपायुक्त चंद्रकांत खांडवी यांनी केले आहे. (Nashik Jagannath Rath Yatra procession in Panchavati)

श्री जगन्नाथ रथ यात्रा मिरवणुकीला रविवारी (ता.७) सकाळी १० वाजता पंचवटीतील पंचमुखी हनुमान मंदिर येथून प्रारंभ होणार आहे. त्यानंतर रथयात्रा जुना आडगाव नाका, गणेशवाडी, गाडगे महाराज पुल, दहिपुल, धुमाळ पॉईंट, मेनरोड, रविवार कारंजा, होळकर पुल, मालेगाव स्टॅण्ड, पंचवटी कारंजा, शिवाजी चौक, सीता गुंफा, श्री काळाराम मंदिर पूर्व दरवाजा, ढिकलेनगर, नाग चौक, काट्या मारुती चौक आणि पंचमुखी हनुमान मंदिर येथे दुपारी तीन वाजता मिरवणूक संपेल. या मिरवणूकीमुळे वाहतूक कोंडी होण्याची शक्यता आहे. या पार्शवभूमीवर वाहतूक शाखेतर्फे पर्यायी मार्गांचा वाहनचालकांनी अवलंब करण्याचे आवाहन केले आहे. (latest marathi news)

प्रवेश बंद मार्ग

- सितागुंफाकडे येणारी वाहतूक

- मालेगाव स्टॅण्ड,

रोकडोबा तालीम

- काळाराम मंदिराकडे येणारी वाहतूक (मालवीय चौक)

- गणेशवाडी कॉर्नर

- संतोष टी कॉर्नर,

- काट्या मारुती पोलीस चौकी

- नेहरु चौक, दहिपूल, धुमाळ पॉईंट, मेनरोड, रविवार कारंजा

पर्यायी मार्ग

- गणेशवाडी मार्गे मेनरोडकडे जाणारी वाहने काट्या मारुती - संतोष टी पॉईंट - द्वारका-शालिमार मार्गे जातील

- दिंडोरी नाका ते होळकर पुलाकडे जाणारी वाहने मखमलाबाद नाका, रामवाडी पुल मार्गे जातील

- संतोष टी पॉर्ईटकडून दिंडोरी नाक्याकडे जाणरी वाहने एकेरी मार्गाने जातील.

- बुधा हलवाई- बादशाही कॉर्नर मार्गे जातील

- सांगली बँक सिग्नल - नेहरु गार्डन - नेपाळी कॉर्नर - शालिमार मार्गे जातील

- रामवाडी पुलावरून अशोकस्ंतंभ, मेहेर सिग्नल, सांगली बँक सिग्नल, शालिमार - गंगापूर रोड, सीबीएस मार्गेजातील.