सबस्क्राईब करा
Nashik News : महापालिकेच्या जीपीओ समोर असलेला जलकुंभ टवाळखोराचा अड्डा बनला आहे. आवारात ठिकठिकाणी मोठ्या प्रमाणावर मद्याच्या बाटल्या पडल्या असून मनपा प्रशासनाकडून याठिकाणी स्वच्छता केली जात असल्याने परिसरात कचऱ्याचे साम्राज्य तयार झाले आहे. त्यामुळे याठिकाणी स्वच्छता मोहिम राबवून येथील टवाळखोरांचा बंदोबस्त करण्याची मागणी स्थानिक नागरिक करत आहे. (Nashik Jalkumbh near GPO has became haven for criminal marathi news)
जीपीओ परिसरातील जलकुंभचा परिसर एकीकडे प्रतिबंधक क्षेत्र म्हणून घोषित करण्यात आला असताना दुसरीकडे या नियमास तिलांजली देत जलकुंभ आवारात सर्रास टवाळखोरांचा वावर असतो. येथे रात्री जुगाराचे डाव, मद्याच्या पार्ट्या होतात. तसेच याठिकाणी सुरक्षारक्षक नसल्याने याठिकाणी भिकारी देखील याठिकाणी येत नशा करतात.
याकडे संबंधित विभागाचे दुर्लक्ष होत असल्याने दिवसेंदिवस जीपीओ जलकुंभ आवारात दुरावस्था वाढत आहे. त्यामुळे हा परिसर प्रतिबंधक क्षेत्र म्हणून नावालाच उरला आहे. जीपोआला संरक्षण भिंत नसल्याने परिसरातील नागरिकही आवारात कचरा फेकतात. येथील स्वच्छतेकडे दुर्लक्ष झाल्याने संपूर्ण आवारात मोठ्या प्रमाणावर कचरा पडून आहे.
त्यामुळे आवारास बकाल स्वरूप तर आलेच आहे दुर्गंधीही वाढली आहे. पाणीपुरवठा महापालिकेकडून याकडे लक्ष देत आवाराची स्वच्छता करावी. टवाळखोर आणि भिकाऱ्यांना आवारात येण्यास प्रतिबंध करावा. अशी मागणी स्थानिक नागरिकांकडून केली जात आहे.
संरक्षण भिंत नसल्याने सुरक्षा रामभरोसे
जलकुंभ आवारास एका बाजूस संरक्षण भिंत नाही. अन्य बाजूची संरक्षण भिंतीची तुटपुट झाली आहे. तसेच या भिंतीची उंचीही कमी असल्याने टवाळखोर सर्रास आवारात प्रवेश करत असतात. तसेच मद्पी अन्य नागरिकांनाही पार्ट्या करण्यासाठी आवार उपलब्ध होत असतो. नागरिकांना कचरा फेकण्यास सोय होते. त्यामुळे रान गवत वाढून बकाल स्वरूप आले आहे. (latest marathi news)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
