वणी : आद्य स्वयंभू शक्तिपीठ असलेल्या सप्तशृंगी गडावर वटसावित्री पौर्णिमा निमित्त भाविकांनी दर्शनासाठी मोठी गर्दी केली होती. महिला भाविकांनी वट पौर्णिमेचे व्रत करीत वडाच्या झाडाच्या पुजना बरोबरच आदिमायेचे मनोभावे दर्शन घेत आपल्या कुटुंबियांना उत्तम आरोग्य लाभावे, दीर्घायुष्य प्राप्त व्हावे यासाठी साकडे घातले. (King of Fruit Mango Decoration Temple Saptashrungi Devi Fort)
सप्तशृंगी गडावर सकाळी धुक्याच्या चादरीने आच्छादलेल्या अल्हाददायी अशा रम्यवातावरणात वट पौर्णिमा निमित्त सकाळी ट्रस्टच्या कार्यालयातून भगवतीच्या सुवर्ण अलंकाराची मिरवणूक काढण्यात आली होती. सकाळी पंचामृत महापूजा दरम्यान श्री भगवतीस हिरव्यागार रंगाचा महावस्त्र नेसवून सोन्याचे अलंकार घालून साजशृंगार करण्यात आला होता.
वट पौर्णिमे निमित्त मंदीरातील प्रवेशद्वारास फळांचा राजा असलेल्या आंब्याची पाने - डहाळीसह असलेल्या पिवळा, केशरी, लालसर आंबे तसेच हिरव्यागार कैऱ्यांची तसेच मंदीर गाभाऱ्यात विविध रंगी वेगवेगळ्या प्रकारच्या फुले व पानांची आकर्षक तोरण व झुंबर अशी मनमोहक आरास नाशिक येथील भाविक शंकर जुन्नरे यांच्यावतीने करण्यात आली होती. (latest marathi news)
भाविक मंदीरात पोहचताच आदिमायेचे तेजस्वी आश्वाषक रुप व हिरव्यागार पानाची शितलता व आंबाच्या दरवळणारा घमघमाट अशी विलोभनिय अनुभूती घेवून आदिमाये चरणी नतमस्तक होत भाविक मंदीरातून बाहेर पडत होती.
वट पौर्णिमा निमित्त महिला वर्गाने वडाची पूजन झाल्यानंतर देवी दर्शनासाठी दुपारनंतर मोठी गर्दी केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
