नाशिक : लोकसभा निवडणुकीचा बिगूल वाजला आहे. आदर्श आचारसंहिताही लागू झाली आहे. त्यामुळे पोलिस आयुक्तालय हद्दीमध्ये कायदा व सुव्यवस्था अबाधित राखण्यासाठी आयुक्तालयातील १३ पोलिस ठाणेनिहाय नियोजन सुरू झालेले आहे. संवेदनशिल मतदार केंद्रांसह जादा बंदोबस्त सज्जतेचा आढावा घेतला जात आहे. (Nashik Lok Sabha Code of Conduct police law order marathi news)
शहर पोलिस आयुक्तालयामध्ये लोकसभा निवडणुकीच्या पार्श्वभूमीवर शहर गुन्हे शाखेच्या विशेष शाखेअंतर्गत विशेष कक्ष स्थापन करण्यात आला आहे. पोलिस आयुक्त संदीप कर्णिक यांच्या मार्गदर्शनाखाली या कक्षाच्या माध्यमातून पोलिस उपायुक्त, सहायक आयुक्त, वरिष्ठ पोलिस निरीक्षक निवडणुकीसंदर्भातील कामकाजाचा सातत्याने आढाव घेत आहेत.
आगामी काळात प्रचाराच्या निमित्ताने व्हीआयपी नेत्यांच्या सभा होतील. त्यासंदर्भात असणारा पोलिस बंदोबस्त आणि निवडणुकीसाठीची सज्जता अशा तीन कक्षांच्या माध्यमातून कामकाजाचा आढावा घेतला जाऊन त्यासाठीची सतर्कता आत्तापासून बाळगली जात आहे. (latest marathi news)
निवडणूक कक्षाच्या व्हीआयपी कक्षामार्फत राजकीय नेते, अतिमहत्त्वाच्या व्यक्तींचे संभाव्य दौरे, सभा आणि सुरक्षेसंदर्भातील नियोजन; बंदोबस्त कक्षामार्फत राजकीय सभा, संवेदनशील ठिकाणी, राजकीय दौरे व शहरातील बंदोबस्ताच्या दृष्टीने नियोजन सुरू आहे. त्याचप्रमाणे, गोपनीय कक्षामार्फत शहरातील राजकीय, सामाजिक घडामोडींवर बारकाईने लक्ष ठेवले जात आहे.
तसेच, शहरातील संवेदनशिल ठिकाणांवर आत्तापासून गोपनीय विभागाकडून लक्ष ठेवून नोंदी घेतल्या जात आहेत. या साऱ्या बाबींचा आढावा पोलिस आयुक्तांकडून घेतला जात आहे. जेणेकरून आगामी निवडणूक काळात शहरातील कायदा व सुव्यवस्था अबाधित राखण्यासाठी मदत होणार आहे. त्यासाठीची सर्वतोपरी सतर्कता पोलिस आयुक्तालयाकडून बाळगली जात आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
