Nashik MD Drug Case : ड्रग्जमाफिया ललित पाटील याचा भाऊ संशयित भूषण पाटील व त्याचा खजिनदार अभिषेक बलकवडे या दोघांचा ताबा घेतल्यावर नाशिक पोलिसांनी त्यांना बुधवारी (ता. ६) न्यायालयात हजर केले.
त्यांना बुधवार (ता. १३)पर्यंत कोठडी सुनावली आहे. त्यांचा साथीदार संशयित शिवाजी शिंदे यास शनिवार (ता. ९)पर्यंत पोलिस कोठडी सुनावली. (Nashik MD Drug Case Bhushan Patil Balkawade in police custody till Wednesday news)
नाशिकसह राज्यभर गाजत असलेल्या एमडी ड्रग्ज प्रकरणी पुणे पोलिसांनी भूषण व अभिषेकला ताब्यात घेतले आहे. शिवाजीला मुंबई पोलिसांनी ताब्यात घेतले.
या तिघांचा ताबा आता नाशिक पोलिसांनी घेतला असून, त्यांना न्यायालयात हजर करण्यात आले. शिवाजीच्या कोठडीत पुन्हा तीन दिवसांची वाढ करण्यात आली.
पुढील चौकशीकरिता भूषण व अभिषेक यांच्या कोठडीची मागणी सरकार पक्षाकडून ॲड. देवरे यांनी केली. दरम्यान, नाशिक रोड पोलिसांनी शिंदे गावाजवळ छापा टाकून ड्रग्जचे गुदाम उद्ध्वस्त केले होते.
एमडी ड्रग्ज निर्मितीसाठी लागणारा कच्च्या मालाचा साठा पोलिसांनी मोठ्या प्रमाणात हस्तगत केला होता. हे गुदाम संशयित ड्रग्जमाफिया ललित पानपाटील याचे की त्याचा भाऊ संशयित भूषण पाटीलचे, असा प्रश्न कायम होता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
