नाशिक : नाशिक महापालिकेच्या मोरवाडीतील श्री स्वामी समर्थ रुग्णालयाच्या वैद्यकीय अधिकारी डॉ. सुवर्णा संदीप वाजे (वय ३८,) या बेपत्ता झाल्याने त्यांच्या पतीने अंबड पोलिस ठाण्यात बेपत्ता झाल्याची तक्रार दिली होती. दरम्यान वाडीवऱ्हे पोलिस ठाण्याच्या हद्दीतील आग्रा रोडवरील रायगडनगरजवळ रस्त्याच्या कडेला चारचाकी वाहनात पूर्णत: जळालेल्या अवस्थेत महिलेचा सांगाडा आढळला होता. तपासणीत तो सांगाडा डॉ. वाजे यांचा असल्याचे समोर आल्यानंतर, आता या प्रकरणात त्यांचे पती संदीप वाजे यांना अटक करण्यात आली आहे.
आग्रा रोडवरील रायगडनगरजवळ जळालेल्या अवस्थेत सापडलेला सांगाडा बेपत्ता डाॅक्टर सुवर्णा वाजे यांच्या हत्या प्रकरणात त्यांच्या पती संदीप वाजे यांना पोलिसांनी बेड्या ठोकल्या यात इतरही काही संशयित पोलिसांच्या रडारवर आहे. फाॅरेन्सिक डिपार्टमेंटच्या ‘डीएनए’ अहवालावरुन आता स्पष्ट झाले आहे. या अहवालामुळे डाॅ. वाजे यांचा घातपात झाल्याचा संशय बळावला होता तेव्हापासून वाडीवऱ्हे पाेलिसांनी डाॅ. सुवर्णा यांचे पती संदीप वाजे यांच्यावर तपास केंद्रीत केला होता
जळालेल्या अवस्थेत सापडलेला सांगाडा बेपत्ता डाॅ. सुवर्णा वाजे यांचा कि अन्य दुसऱ्या महिलेचा आहे, हे पडताळण्यासाठी बुधवारी(दि.2) हा अहवाल वाडीवाऱ्हे पाेलिसांना प्राप्त झाला असून त्यात जळालेला सांगाडा डाॅ. सुवर्णा यांचाच आहे, असे स्पष्ट झाले.
डॉ. सुवर्णा या मंगळवारी (दि.२५ जानेवारी) मोरवाडी हॉस्पिटलमध्ये कामावर गेल्या होत्या. दरम्यान त्यांना रात्री उशीर झाल्याने पती संदीप वाजे यांनी नातेवाइकांकडे विचारपूस केली. परंतु त्या न परतल्याने त्यांनी मध्यरात्री अंबड पोलीस ठाण्यात पत्नी बेपत्ता झाल्याची तक्रार दिली. जळालेली कार ही वाजे यांचीच असल्याचे चेसीज नंबरच्या मदतीने पोलिसांनी स्पष्ट केले. डॉ. वाजे यांचे वाहन आढळलेल्या ठिकाणापर्यंत जाणाऱ्या मार्गावरील सीसीटीव्ही फुटेज व मोबाईलचे लोकेशन ट्रॅक केले आहेत
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
