![overflow lake](http://media.assettype.com/esakal%2F2024-05%2Fafd57bac-364e-40c0-bd52-629fb0d2ef9a%2FNashik_News___2024_05_12T160935_815.jpg?rect=0%2C0%2C1200%2C675&w=480&auto=format%2Ccompress&fit=max)
नांदगाव : शनिवारी रात्री उशिरा आलेल्या अवकाळी पावसाने दुष्काळाने होरपळणाऱ्या तालुक्यात जोरदार हजेरी लावली. रात्री साडे आठ नंतर हलक्या गारा पडू लागल्यानंतर अचानक वादळवारे व विजांच्या गडगडाटासह अवकाळीचा पावसाने जोरदार हजेरी लावली. (Nashik Nandgaon heavy unseasonal rain)
सकाळी आठ वाजेपर्यंत 102 मिली एवढ्या पावसाची नोंद शहरातील पर्ज्यनामापक यंत्रात करण्यात आली. गेल्या काही दिवसापासून पाणीटंचाईच्या समस्येने बेजार असलेल्या साकोरा परिसराला या अवकाळी पावसाने एकप्रकारे दिलासा दिला. मोरखडीच्या बंधाऱ्यात निम्म्याहून अधिकचा जलसंचय झाल्याने आजूबाजूच्या विहिरींना पाणी उतरण्यास मदत झाली. गंगाधरी गावाच्या वरच्या डोंगररांगेतून रात्री उशिरा नदीनाल्या एकत्रित दुथडी भरून वाहू लागल्या.
लावल्याने बहुतांश भागात शेतात पाण्याचे तळे साचले ऐन टंचाईच्या काळात आलेला अवकाळी पाऊस काही ठिकाणी नुकसानकारक ठरत असला तरी भूगर्भातील जलाशयाच्य़ा पातळीला पूरक ठरला आहे. विहिरींना पाणी लागले तर नालाबल्डींग ओसंडून वाहिले. (latest marathi news)
कळमदरी येथे वीज कोसळून गाय मरण पावली तर कासारीच्या हटकर वस्तीवरच्या कांद्याच्या चाळीवर वीज कोसळल्याने अख्खी चाळ भस्मसात झाली. कासारी, कसाबखेडा, गंगाधरी साकोरा, कळमदरी, जामदरी अशा पट्ट्यात हा दमदार पाऊस झाला. साकोरा परिसरात पाच ते सात जणांच्या पोल्ट्री फॉर्मच्या शेडचे अतोनात नुकसान झाले.
शेडचे पत्रे उडाले व गारपिटीमुळे पोल्ट्रीफॉमधील शेकडो कोंबड्या मृत्युमुखी पडल्यात. महसुली यंत्रणा निवडणुकीच्या प्रशिक्षणात व्यस्त असल्याने पंचनाम्यांना सुरुवात झाली नव्हती. मात्र दोन दिवसात पंचनाम्याचे काम पूर्ण होईल, असे सांगण्यात आले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.