Nashik News : जगताप आत्महत्त्याप्रकरणातील मणियारला अटक

नाशिक : पाथर्डी फाटा येथील अनमोल नयनतारा सोसायटीतील जगताप दामत्याच्या आत्महत्या प्रकरणात इंदिरानगर पोलिसांनी युनूस मणियार या मुख्य संशयितास अटक केली आहे. मयत गौरव आणि संशयित युनूस हे व्यवसायात भागीदार असल्याचे प्राथमिक तपासातून समोर येत आहे.

गेल्या रविवारी (ता. १८) रात्री गौरव व नेहा जगताप यांनी राहत्या घरात गळफास घेतला होता. तत्पूर्वी डायरीत सुसाईड नोट लिहून युनूस मणियार (रा. भारत नगर, वडाळा गाव) याने पैशांचा तगादा लावून धमकी दिल्याचे नमूद केले होते. तसेच मयूर बैरागी (२५, रा. सातपूर कॉलनी) याने नेहाची साडेसहा लाख रुपयांची फसवणूक केल्याचाही उल्लेख केला होता. दरम्यान, गुरुवारी इंदिरानगर पोलिसांनी बैरागी याला घरातून अटक केली होती. .

हेही वाचा: Love Jihad: प्रेमाला धर्म आहे...?

इंदिरानगरचे वरिष्ठ निरीक्षक संजय बांबळे यांना नेहा व गौरवला आत्महत्येस प्रवृत्त केल्याच्या गुन्ह्यातील मुख्य संशयित वडाळा रोडवर असल्याची माहिती (ता.२४) मिळाली होती. त्यानुसार त्यांच्या पथकाने मणियार याला ताब्यात घेतले. त्याला अटक करून (ता. २५) न्यायालयात हजर केले जाण्याची शक्यता आहे. मयत गौरव व युनूस हे घटनेच्या पूर्वीपासून एका व्यवसायात भागीदार होते. त्यातून त्यांच्यात आर्थिक व्यवहार होत होते. आता पोलिस युनुसच्या बँक खात्याची माहिती घेणार आहेत.