सिन्नर : शहा (ता. सिन्नर) येथील १३२ केव्ही वीज उपकेंद्राचे सर्व काम पूर्ण झालेले आहे. शिल्लक कामे १५ दिवसात मार्गी लावून २५ डिसेंबरपर्यंत वीजकेंद्र कार्यान्वित करण्यात येणार असल्याची माहिती महापारेषणच्या अधिकाऱ्यांनी आमदार माणिकराव कोकाटे यांच्यासह सिन्नर तालुक्यातील शेतकरी यांना दिली.
बैठकीत आमदार कोकाटे यांनी वीज प्रश्नावर अधिकाऱ्यांना धारेवर धरत विंचुरी दळवी, आडवाडी येथील वीज उपकेंद्रांची कामे तातडीने सुरु करून येत्या सहा महिन्यांत काम पूर्ण करा. शहा वीज केंद्र लवकरात लवकर कार्यान्वित करा. १ कोटी ३१ लाख रुपयांचे २२ नवीन ट्रान्सफॉर्मर मंजुरीसाठी तत्काळ पालकमंत्री दादा भुसे यांच्याकडे पाठवा. कुठलेही प्रस्ताव प्रलंबित ठेवू नका.
इगतपुरी तालुक्यातील साकूर व सिन्नर तालुक्यातील वावी लाइनवरील २४ ट्रान्सफॉर्मर तत्काळ मंजुरीसाठी सादर करण्यात यावेत. ग्रामपंचायत स्तरावरील ४० ट्रान्सफॉर्मर मंजूर असून त्याच्याही निविदा प्रक्रीया पूर्ण करा. १९ ट्रान्सफॉर्मर मंजूर असून त्याची वर्कऑर्डर काढा. अशा सूचना केल्या. यावर आडवाडी येथील २२० केव्ही वीज उपकेंद्रासाठी बाभळेश्वर येथून वीजवाहिनी काम झाले असल्याचे अधिकाऱ्यांनी सांगितले.
हेही वाचा: शेतमजूर ते कॅनाॅल मॅन...जाणून घ्या एक यशोगाथा....
वीजप्रश्न अतिशय गंभीर असून सामान्य लोक, शेतकरी वारंवार आपल्याकडे पाठपुरावा करतात. मात्र एकाच कामासाठी पंधरा चकरा माराव्या लागत असतील. तर ही दुर्दैवी बाब असल्याचे त्यांनी नमूद केले.
यावेळी आमदार माणिकराव कोकाटे, मुख्य अभियंता कुमटेकर, अधीक्षक अभियंता पडळकर, कार्यकारी अभियंता डोंगरे यांनी तत्काळ कार्यवाही करण्याबाबत सकारात्मकता दर्शविली. यावेळी बाळासाहेब भोर, श्रीराम गवळी, दुलाजी थोरात, आनंदा कांदळकर, श्री. दळवी, श्री. अण्णासाहेब महानुभाव, अनिल वाजे आदींसह शेतकरी उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
