Nashik News : नायलॉन मांजामुळे तरुण गंभीर जखमी

येवला : येथील पतंगोत्सव अजून दूर असला तरी त्याचे दुष्परिणाम आतापासून जाणवू लागले आहे. नायलॉन मांज्यामुळे शनिवारी (ता.२४) येथे एक तरुण जखमी झाला.

मकरसंक्रांत सण अवघ्या काही दिवसांवर येऊन ठेपला असताना नायलॉन मांजामुळे अनेकांचे गळा चिरणे, हात कापणे अशा घटना होत असतात. नायलॉन मांजावर बंदी असतानाही अनेक पतंग शौकीन खुलेआम याचा वापर करतात. त्यामुळे प्रत्येक वर्षी नागरिक जखमी होण्याच्या घटना मकरसंक्रांतीच्या काळात घडत असतात. मात्र यावेळी संक्रांत दूर असतानाच याचा फटका बसू लागला आहे.

हेही वाचा: Love Jihad: प्रेमाला धर्म आहे...?

गंगादरवाजा भागात ज्ञानेश्वर उपाडे हा तरुण येवला येथून जात असताना त्याच्या चेहऱ्यावर अचानक कटलेल्या पतंगेचा नायलॉन माझ्या आल्याने त्याच्या चेहऱ्याला तोंडाजवळ गंभीर जखम झाली. त्याच्यावर तातडीने उपचार करण्यात आले. नागरिकांनी व येवल्यातून प्रवास करणाऱ्या प्रवाशांनी काळजी घ्यावी असे आवाहन करण्यात येत आहे.