Maha E-Seva Kendra : ई-सेवा केंद्रातील सेवांचे दर फलक लावण्याचे तहसीलदारांचे आदेश!

सिन्नर : महा-ई-सेवा केंद्र संचालकांनी दर्शनी भागात विविध योजनांच्या नोंदणीसाठी आकारल्या जाणाऱ्या शुल्काचे दर केंद्रातील दर्शनी भागात लावावी असे आदेश सिन्नरचे तहसीलदार सुरेंद्र देशमुख यांनी बजावले आहेत. याबाबत सिन्नर तालुक्यातील पांगरी येथील सामाजिक कार्यकर्ते भाऊसाहेब बैरागी यांनी तहसीलदार देशमुख यांच्याकडे याबाबतची मागणी केली होती. (Maha E-Seva Kendra)

सरकारने ठरवून दिलेल्या दराप्रमाणे दर आकारणी करावी, दलाचे फलक केंद्र बाहेर लावण्यात यावे. बहुअंतशी ठिकाणी ठरवून दिलेल्या दरापेक्षा जास्त दर घेतले जात असल्याचे निदर्शनास आल्यास संबंधितांवर कारवाई करण्यात येईल असे आदेश तहसीलदार देशमुख यांनी बजावले आहेत.

राज्य व केंद्र सरकारच्या सर्वोच्च योजनांसाठी ऑनलाईन पद्धतीने नोंदणी केली जाते. केंद्राबाहेर दर फलक नसल्याने ई-सेवा केंद्र संचालकाकडून मनमानी दर घेऊ नागरिकांची फसवणूक केली जात असल्याची तक्रार भाऊसाहेब बैरागी यांनी केली होती. (latest marathi news)

दर दर्शनी भागात लावण्याचे आदेश व दरापेक्षा अधिक पैसे घेताना आढळल्यास फसवणुकीचा गुन्हा दाखल करण्यात यावा अशी मागणी भाऊसाहेब बैरागी यांनी केली होती व त्यास तहसीलदार यांनी मान्यता दिली.