जुने नाशिक : लक्ष्मीनारायण घाट येथील अंधारात सुरू असलेला जादूटोण्याचा प्रकार भद्रकाली पोलिसांनी उधळला. चौकशीअंती सर्वसाधारण पूजेसाठी नागरिक आल्याची माहिती समोर आली. परिसरातील नागरिकांनी मात्र शंका उपस्थित केली. (Pooja in darkness at Lakshminarayan Ghat)
गोदा काठावरील लक्ष्मीनारायण घाट अतिशय सुनसान आणि शांततेचा भाग आहे. नागरिकांचाही त्याठिकाणी अल्प वावर असतो. अशा भागात मंगळवारी (ता.१) रात्री आठ ते साडेआठ वाजेच्या सुमारास प्रचंड अंधारात काही जण काळ्या कपड्यांमध्ये काहीतरी पूजा विधी करत होते. जादूटोणा तर सुरू नाही ना, अशी शंका परिसरात वावरणाऱ्या नागरिकांना आली.
त्यांनी भद्रकाली पोलिसांना माहिती दिली. घटनेचे गांभीर्य लक्षात घेता पोलिसांनी कुठलाही वेळ न घालवता घटनास्थळी दाखल झाले. काहीजण काहीतरी विधी करत असल्याचे त्यांना आढळले. त्यांनी सविस्तर चौकशी केली. काहींनी साधी पूजा सुरू असल्याचे सांगितले तर काहींनी कालसर्प पूजा सुरू असल्याची माहिती पोलिसांना दिली. पोलिसांनी मात्र सविस्तर चौकशी केली. साधी पूजा सुरू असल्याचे प्राथमिक तपासात उघड झाले. (latest marathi news)
जादूटोणाच असल्याची शंका
अशा अंधारात कुठलीही पूजा संशयास्पद ठरू शकते. यातून कायदा सुव्यवस्थेचा प्रश्नही निर्माण होऊ शकतो. त्यामुळे संबंधित व्यक्तींना त्याठिकाणी कुठलीही विधी करण्यास मज्जाव करत त्यांना तेथून जाण्यास सांगण्यात आले. असे असले तरी परिसरातील नागरिकांमध्ये घटनेची माहिती मिळताच भीती पसरली होती, असे प्रकार येथे होऊ नयेत तसेच संबंधित व्यक्ती माहिती लपवीत असल्याचे सांगत त्यांच्याकडून जादूटोणाच होत असल्याची शंका व्यक्त केली. सुनसान ठिकाणी अंधारात असा प्रकार सुरू असेल तर कुठल्याही व्यक्तींना शंका येणारच, अशी चर्चा नागरिकांमध्ये सुरू होती. पोलिसांनी येथील गस्त वाढवावी, अशी मागणी यानिमित्ताने करण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
