Nashik Rahul Gandhi Bharat Jodo Nyay Yatra: भारत जोडो यात्रेच्या निमित्ताने खासदार राहुल गांधी यांचे गुरुवारी (ता. १४) नाशिक शहरात दुपारी आगमन होत आहे. द्वारका येथून शालीमार चौकापर्यंत रोड शो आणि तेथून डॉ. बाबासाहेब आंबेडकर यांच्या यांच्या पुतळ्याला पुष्पहार अर्पण करून तेथे चौकसभा होणार आहे. त्यांच्या स्वागतासह सुरक्षेची तयारी पूर्ण झाली आहे. बुधवारी सायंकाळी उशिरापर्यंत या भागातील रस्ते स्वच्छ केले जात होते. (Nashik Rahul Gandhi Bharat Jodo Nyay Yatra Rahul Gandhi in city marathi news)
अडथळा ठरू शकतील असे बॅनर हटविले. रोड शोवरील मार्गावर पोलिसांनी सायंकाळी वाहनासह रुटमार्च काढला. खासदार राहुल गांधी बुधवारी सकाळी नाशिक जिल्ह्यात दाखल झाले. बुधवारी त्यांचे मालेगाव येथे आगमन झाले. गुरुवारी सकाळी ८ वाजता चांदवड येथे शेतकरी मेळाव्यानंतर वणी शिरवाडे फाट्याजवळून पिंपळगाव बसवंत येथे रोड शो करतील. दुपारी अडीच वाजता यात्रेचे नाशिकमध्ये आगमन होईल.
द्वारका चौकातून ही यात्रा शालीमार चौकात दाखल होईल. येथील स्व. इंदिरा गांधी यांच्या पुतळ्याला अभिवादन करून ४ वाजता चौकसभा घेण्यात येईल. तेथून समोरील डॉ. आंबेडकर यांच्या पुतळ्याला पुष्पहार अर्पण करतील. तेथून ते सातपूर मार्गे सायंकाळी त्र्यंबकेश्वरला रवाना होऊन दर्शन घेतील तेथे, आदिवासी मेळावा घेऊन तेथून जव्हार मार्गे रवाना होतील. या रोड शो, चौकसभेची जोरदार तयारी सुरू होती. (latest marathi news)
सायंकाळी स्व. इंदिरा गांधी यांच्या पुतळ्याची साफसफाई करण्यात आली. राहुल गांधी हे चांदवड येथे गुरुवारी सकाळी ८ वाजता चांदवड चौफुली येथे शेतकऱ्यांशी संवाद साधणार आहेत. त्यासाठी कांदा व द्राक्ष उत्पादक शेतकऱ्यांना पाचारण करण्यात आले आहे. या मेळाव्याला महाविकास आघाडीतील राष्ट्रवादी काँग्रेसचे शरद पवार गटाचे अध्यक्ष शरद पवार व उद्धव बाळासाहेब ठाकरे शिवसेना गटाचे खासदार संजय राऊत उपस्थितीत राहणार आहे.
जनतेमध्ये उत्साह, ठिकठिकाणी होणार स्वागत
खासदार राहुल गांधी शहरात प्रथमच येत आहेत. त्यांच्या स्वागताची शहरात जय्यत तयारी झाली आहे. राहुल गांधी यांचे द्वारका, सारडा सर्कल, गंजमाळ सिग्नल, शालीमार चौकात येथे स्वागत होणार आहे. या ठिकाणी स्वागताची जय्यत तयारी झाली आहे. या मार्गावर ठिकठिकाणी काँग्रेस पक्षाचे झेंडे आणि स्वागताचे बॅनर लावण्यात आले आहेत. संपूर्ण शहरात पक्षाकडून होर्डिंग लावण्यात आले आहेत. तसेच जागोजागी त्यांचे स्वागताचे फलक पदाधिकाऱ्यांनी लावत शक्तीप्रदर्शन केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
