Sant Nivruttinath Palkhi : निवृत्तिनाथ पालखी सोहळ्यात राज ठाकरे सहकुटुंब सहभागी होणार! त्र्यंबकेश्‍वराचे घेणार दर्शन

Nashik News : महाराष्ट्र नवनिर्माण सेनेचे अध्यक्ष राज ठाकरे हे स्वत:, त्यांच्या पत्नी शर्मिला ठाकरे, मुलगा अमित ठाकरे हे संतश्रेष्ठ निवृत्तिनाथ पालखी सोहळ्यात सहभागी होण्यासाठी नाशिक दौऱ्यावर येत आहेत. संत निवृत्तिनाथांच्या पालखीचे गुरुवारी (ता. २०) त्र्यंबकेश्‍वर येथून प्रस्थान होत आहे. त्यादृष्टीने ठाकरे कुटुंब बुधवार (ता. १९)पासून दोन दिवस नाशिक दौऱ्यावर येत असल्याने मनसेसैनिक तयारीला लागले आहेत. (Raj Thackeray family will participate in Nivruttinath palkhi ceremony)

विधानसभा निवडणुकीचे पडघम वाजू लागले आहेत, त्यादृष्टीनेही राज ठाकरे यांचा दोनदिवसीय दौरा महत्त्वपूर्ण ठरेल. या पार्श्‍वभूमीवर मनसेच्या स्थानिक पदाधिकाऱ्यांनी रविवारी (ता. १६) ‘राजगड’ या पक्ष कार्यालयात आढावा बैठक घेतली.

प्रदेश सरचिटणीस तथा माजी महापौर अशोक मुर्तडक, प्रदेश उपाध्यक्ष सलीम शेख, शहराध्यक्ष सुदाम कोंबडे, प्रदेश उपाध्यक्ष रतनकुमार इचम, जिल्हाध्यक्ष अंकुश पवार, माजी शहराध्यक्ष दिलीप दातीर, विद्यार्थी सेनेचे प्रदेश उपाध्यक्ष संदीप भवर, महिला सेनेच्या प्रदेश उपाध्यक्षा सुजाता डेरे उपस्थित होते. (latest marathi news)

राज ठाकरे त्र्यंबकेश्‍वर येथून निघणाऱ्या संतश्रेष्ठ निवृत्तिनाथ पालखी सोहळ्यात सहभागी होतील. तत्पूर्वी, त्र्यंबकेश्‍वर मंदिरात त्र्यंबकराजाचे दर्शनही घेणार आहेत.

येथील सर्व वारकरी, दिंडीला सदिच्छा भेट देणार असल्याचे त्र्यंबकेश्वर तालुकाध्यक्ष नवनाथ कोठुळे व जिल्हा सचिव भूषण भुतडा यांनी सांगितले. दरम्यान, राज ठाकरे मनसेसैनिकांना काय मार्गदर्शन करतात, याकडे सर्वांचे लक्ष लागून आहे.