SAKAL Special : चालता... बोलता...! झाले एकदाचे अंदाजपत्रक

झाले एकदाचे अंदाजपत्रक

जिल्हा परिषदेत प्रशासकीय राजवट सुरू आहे. लोकसभा निवडणुकांची आचारसंहिता लागण्याची शक्यता असल्याकारणाने प्रशासनाकडून यंदाचे अंदाजपत्रक सादर करण्यासाठी दोन आठवड्यांपासून लगीनघाई सुरू होती.

लेखा व वित्त विभागाने अंदाजपत्रकाची तयारी केली होती. परंतु, क्रीडा स्पर्धांमुळे अंदाजपत्रक सादर करण्यात ‘तारीख पे तारीख’ हा खेळ सुरू होता. सतत तारखा बदलत असल्याने कर्मचाऱ्यांची तयारी वाया जात होती.

त्यामुळे कधी अंदाजपत्रक सादर होते, याकडे कर्मचाऱ्यांचे लक्ष होते. अखेर मंगळवारी अंदाजपत्रक सादर करण्यात आले. अंदाजपत्रक सादर झाल्यानंतर कर्मचाऱ्यांनी मुख्यतः लेखा व वित्त विभागातील कर्मचाऱ्यांनी सुटकेचा निःश्वास सोडला.

‘झाले का अंदाजपत्रक सादर, मान्यता मिळाली ना!’, असे सांगत एका कर्मचाऱ्याने ‘झाले एकदाचे अंदाजपत्रक सादर’, अशी प्रतिक्रिया व्यक्त करत भावना व्यक्त केल्या.

(nashik SAKAL Special chalta bolta Budget once done marathi news)

(latest marathi news)