Sakal Special : चालता... बोलता...! झेडपीत यावे की नाही...

झेडपीत यावे की नाही...

मार्चच्या पहिल्या आठवड्यात लोकसभा निवडणुकीची आचारसंहिता लागण्याची शक्यता असल्याने सध्या शासकीय कार्यालयांमध्ये धावपळ सुरू आहे. प्राप्त झालेला निधी वेळात खर्च करण्यासाठी अधिकारी, कर्मचारी अहोरात्र काम करीत आहेत.

जिल्हा परिषदेतही निधी खर्चासाठी सर्व विभागांमध्ये लगबग सुरू आहे. यातच अंदाजपत्रक दाखल करण्याची तयारी विभागात सुरू आहे. यात, जिल्हाभरातून येणाऱ्या सामान्यांची कामे होत नसल्याने त्यांची निराशा होत आहे.

तर झाले असे की, जिल्हा परिषदेत एका विभागात बंद दरवाजाआड बैठक सुरू होती. बैठक असल्याने आत जाण्यास शिपायांकडून मज्जाव केला जात होता. त्या वेळी कार्यालयाबाहेर उभे असलेल्या सामान्यांनी आत जाऊ द्या, अशी विनंती केली. मात्र, त्यांना रोखण्यात आले असता, सामान्यांनी अरे आम्ही लांबून आलो आहे, माझे महत्त्वाचे काम आहे सांगा त्यांना.

त्यावर संबंधितांकडून बैठक आहे सोडू नये, अशा सूचना आहे, असे सांगितले. त्यावर यार, झेडपीत यावे की नाही. कामे तर होत नाही. पूर्ण दिवस वाया जातो, असे सुनावले अन् निघून जाणे त्या सामान्याने पसंत केले. (latest marathi news)