SAKAL Special : चालता बोलता! अरे, त्या विद्यमान मंत्री आहेत

अरे, त्या विद्यमान मंत्री आहेत....

खासगी किंवा शासकीय कार्यक्रमात सूत्रसंचालक महत्त्वाचा असतो. त्यास उपस्थित पाहुण्यांची माहिती असणे आवश्यक असते अन्यथा कार्यक्रमात गडबड होते. कधी पाहुण्याचे नाव चुकते तर कधी पाहुण्याचे पद. असाच प्रकार नुकताच घडला.

शहरात ‘नामको’चे संचालक हेमंत धात्रक यांच्या नागरी सत्काराच्या कार्यक्रमास मंत्री छगन भुजबळ, तसेच केंद्रीय आरोग्य राज्यमंत्री डॉ. भारती पवार उपस्थित होत्या. यात केंद्रीय आरोग्य राज्यमंत्री डॉ. पवार यांचा सत्कार असो, की भाषणासाठी त्यांचे नाव घेताना सूत्रसंचालन करणाऱ्याकडून त्यांचा माजी केंद्रीय मंत्री असा उल्लेख केला जात होता.

वारंवार हा प्रकार घडत असल्याने थेट प्रेक्षकांमधूनच एकाने डॉ. पवार या विद्यमान केंद्रीय मंत्री आहेत, तुम्ही त्यांना माजी करू नका, असे सुनावले. त्यावर सूत्रसंचालकाने चूक दुरुस्त केली अन् सभागृहात एकच हशा पिकला. (latest marathi news)

(nashik SAKAL Special chalta bolta Oh she is sitting minister marathi news)