नाशिक : जिल्ह्यातील कळवण एकात्मिक आदिवासी विकास प्रकल्प कार्यालयातंर्गत येणाऱ्या आश्रमशाळशाळेवरील रोजंदारी कर्मचारींवर मानधनाअभावी उपासमारीची वेळ आलेली आहे. मागील चार महिन्यापासून वेतन न मिळाल्याने या कर्मचाऱ्यांची आर्थिक घडी विस्कटली आहे.
आश्रमशाळेत शिक्षक भरती न झाल्याने अनेक पदे रिक्त आहे. रिक्तपदांमुळे विद्यार्थ्यांचे शैक्षणिक नुकसान होवू नये म्हणून याठिकाणी रोजंदारी, तासिका, कंत्राटी पद्धतीने कर्मचारी, शिक्षक कार्यरत आहे. कळवण प्रकल्पातंर्गत एकूण ४० शासकीय आश्रमशाळा असून या शाळांमधील वर्ग तीन आणि वर्ग ४ ची सुमारे ५० टक्के पदे रिक्त आहेत,त्यामुळे कळवण प्रकल्प कार्यालयांतर्ग येणाऱ्या शासकीय आश्रमशाळेंवर सद्यस्थितीत वर्ग तीन चे सुमारे १२५ शिक्षक रोजंदारी पद्धतीने कार्यरत आहे. तर वर्ग चार कर्मचाऱ्यांची संख्या देखील १३० च्या आसपास आहे. मागील पाच महिन्यापासून या सर्वांना वेतन अदा करण्यात आलेले नाही.
दर महिन्याला वेतनबाबत प्रशासनाकडे विचारण केली तर त्यांना त्यांच्याकडून मानधनासाठी तरतूदच उपलब्ध नसल्याने पैसे मिळणार नाही असे उत्तरे दिली जात आहे. प्रकल्प अधिकारी यांनी या रोजंदारी कर्मचारी यांचे वेतन वेळेवर अदा करावी अशी मागणी केली जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
