Nashik News : राष्ट्रवादी काँग्रेस शरदचंद्र पवार पक्षाचे अध्यक्ष शरद पवार शुक्रवारी (ता. १९) नाशिक जिल्हा दौऱ्यावर येत आहेत. दिवंगत नेते मालोजीराव मोगल यांच्या स्मृतिप्रीत्यर्थ चितेगाव फाटा (ता. निफाड) येथील कुलस्वामिनी लॉन्समध्ये सायंकाळी पाचला आयोजित या मेळाव्यास ते संबोधित करतील. (Senior leader Sharad Pawar today and tomorrow in Nashik)
रात्री नाशिकमध्ये मुक्कामी राहणार असून, सकाळी आठला काँग्रेसचे शहराध्यक्ष आकाश छाजेड यांच्या घरी सदिच्छा भेट देऊन श्री. पवार पुण्याकडे रवाना होणार आहेत. लोकसभा निवडणुकीत महाविकास आघाडीचे राष्ट्रवादी काँग्रेसचे भास्कर भगरे (दिंडोरी), काँग्रेसच्या डॉ. शोभा बच्छाव (धुळे) व शिवसेना उद्धव बाळासाहेब ठाकरे पक्षाचे राजाभाऊ वाजे हे तिन्ही खासदार निवडून आले आहेत.
त्यामुळे जिल्ह्यात महाविकास आघाडीची ताकद वाढलेली असताना आता तीन महिन्यांनी विधानसभा निवडणुकीला सामोरे जायचे आहे. त्यादृष्टीने आतापासूनच तयारी केली जात असून, शरद पवारांचा निफाडला होणारा शेतकरी मेळावा हा या निवडणुकीचाच एक भाग मानला जातो. (latest marathi news)
दिंडोरी लोकसभा मतदारसंघातील सहा विधानसभा मतदारसंघांचा निफाड हा केंद्रबिंदू आहे. लोकसभा निवडणुकीच्या प्रचाराची सुरवात याच तालुक्यातून झाली. आता विधानसभेचे रणशिंगही निफाडमधून फुंकले जाणार आहे. शरद पवार हे शुक्रवारी अकोले (जि. अहमदनगर) येथून हेलिकॉप्टरने निफाडला येतील.
सायंकाळी पाच ते सातपर्यंत हा मेळावा सुरू राहील. त्यानंतर पवार हे नाशिकमध्ये मुक्कामी थांबतील. शेतकरी मेळाव्यासाठी राष्ट्रवादी काँग्रेसचे जिल्हाध्यक्ष कोंडाजीमामा आव्हाड, प्रदेश उपाध्यक्ष गोकुळ पिंगळे, खासदार भगरे, डॉ. बच्छाव यांच्यासह अनेक पदाधिकारी उपस्थित राहणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.