Nashik News : मुंबईत खासदार वाजेंकडून शरद पवार यांचा सत्कार!

Nashik News : नाशिक मतदारसंघातून लोकसभेच्या पंचवार्षिक निवडणुकीत राजाभाऊ वाजे मताधिक्याने विजयी झाल्यावर त्यांनी महाविकास आघाडीतील मित्रपक्ष असलेल्या राष्ट्रवादी काँग्रेस शरदचंद्र पवार पक्षाचे प्रमुख शरद पवार यांची मुंबई येथे शनिवारी (ता. १५) भेट घेऊन त्यांचा यथोचित सत्कार केला. या वेळी पवार व वाजे यांनी विविध विषयांवर चर्चा केली.

महाविकास आघाडीला नाशिक जिल्ह्यातून भरघोस मतांनी राजाभाऊ वाजे यांच्या रूपाने उमेदवार निवडून दिल्याबद्दल शरद पवार यांनी नाशिक मतदारसंघातील मतदारांचे आभार मानले. तसेच, नाशिक जिल्ह्यातील विविध विषयांवर चर्चा केली. (latest marathi news)

या वेळी खासदार राजाभाऊ वाजे यांच्याबरोबर राजाराम मुरकुटे, उमेश खातळे, दिनेश धात्रक उपस्थित होते. खासदार वाजे यांनी प्रदेशाध्यक्ष जयंत पाटील, जितेंद्र आव्हाड यांची सदिच्छा भेट घेऊन सत्कार केला.