इगतपुरी : तालुक्यातील मुंढेगाव जवळील जिंदाल कंपनीसमोर शनिवार ( ता. १८ ) दुपारी गोदान एक्स्प्रेसच्या डब्याखालून धूर निघाल्याने गाडी थांबल्यावर गाडीतील काही प्रवाशांनी घाबरून उड्या मारल्याची घटना घडली मात्र कोणत्याही प्रकारची जिवीत अथवा वित्तहानी झाली नसल्याचे रेल्वे प्रशानाने सांगितले आहे. ()
मुंबईला जाणारी गोरखपुर लोकमान्य टिळक टर्मिनस गोदान एक्सप्रेस शनिवारी दुपारी १२ वाजेच्या सुमारास मुंबईकडे जात असतांना मुंढेगावजवळ बोगीच्या खाली असलेले लायनर ओव्हर हीट होऊन घासल्याने मोठा धूर निघाल्याने गार्ड आणि चालकाने प्रसंगावधान राखत गाडी थांबवली होती.
मात्र डब्या खालून धुर निघत असल्याचे पाहुन काही प्रवाशांची गाडीतून उड्या मारल्या. मात्र कोणतीही आग लागली नसल्याची खात्री झाल्यावर सदरची एक्सप्रेस इगतपुरीकडे रवाना करण्यात आली. गाडी इगतपुरी स्थानकात आल्यानंतर गाडीच्या बोगीच्या लायनरची दुरुस्ती करून गाडी मुंबईच्या दिशेने रवाना झाल्याने प्रवाशांनी सुटकेचा निःश्वास सोडला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
