नाशिक : एसटी कर्मचारी संपाची तीव्रता घटत चालली असून, कामावर रुजू होणाऱ्या कर्मचाऱ्यांची संख्या वाढत आहे. बुधवारी (ता. ९) नाशिक विभागातून आणखी २९ कर्मचारी कामावर रुजू झाले आहेत. अशात गुरुवारी (ता. १०) परिवहनमंत्री अनिल परब यांच्‍या घोषणेकडे एसटी कर्मचाऱ्यांसह प्रवाशांचे लक्ष लागून आहे. दरम्‍यान, विभागातून धावणाऱ्या बसगाड्यांच्‍या फेऱ्यांची संख्या एक हजारापर्यंत पोचली आहे.
मंत्री परब यांनी अल्टिमेटम दिल्‍यानंतर गेल्‍या काही दिवसांत ५८ कर्मचारी कामावर रुजू झाले होते. त्‍यात बुधवारी आणखी २९ कर्मचाऱ्यांची भर पडली. सध्या कामावर हजर होण्यासाठी मुदत दिल्‍यामुळे बडतर्फीची कारवाई सध्या बंद आहे. दुसरीकडे एसटी प्रशासन बसगाड्यांची व बस फेऱ्यांची संख्या वाढविण्यावर लक्ष केंद्रित करत आहेत. बुधवारी सायंकाळी सहापर्यंत नाशिक विभागातून २७० बसगाड्यांच्‍या ९४२ बस फेऱ्या झाल्‍या होत्‍या. रात्री बारापर्यंत ही संख्या एक हजारपर्यंत जाण्याची शक्‍यता वर्तविण्यात आली. यात नाशिक एक विभागातून ३९ खासगी शिवशाहीसह एकूण सत्तर बसगाड्या सुटल्‍या. पंचवटी आगारातून १७, मालेगाव १९, सिन्नर आगारातून ३५, सटाणा २० बसगाड्या धावल्‍या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.