Nashik News : शासनाकडे मंजुरीसाठी प्रलंबित असलेला महापालिकेचा सुधारित आकृतीबंध मंजूर करण्याची मागणी आमदार प्रा. देवयानी फरांदे यांनी उपमुख्यमंत्री देवेंद्र फडणवीस यांनी नाशिकच्या प्रश्नांसंदर्भात बोलाविलेल्या बैठकीत केली. त्याअनुषंगाने अतिमहत्त्वाच्या रिक्त पदांची यादी सादर करण्याच्या सूचना उपमुख्यमंत्री फडणवीस यांनी महापालिका आयुक्त तसेच राज्याच्या नगर विकास विभागाच्या अतिरिक्त मुख्य सचिव असीम गुप्ता यांना दिल्या. (Nashik News)
गुरुवारी (ता. २५) झालेल्या बैठकीस सार्वजनिक बांधकाम विभागाचे अतिरिक्त मुख्य सचिव मनीषा म्हैसकर, गृहनिर्माण विभागाचे वी. भा. सिंग, बांधकाम विभागाचे सचिव संजय दशपुते, महापालिका आयुक्त डॉ. अशोक करंजकर, जिल्हाधिकारी जलज शर्मा, महापालिका प्रशासन उपायुक्त श्रीकांत पवार उपस्थित होते.
सिंहस्थ काळात महापालिकेत पुरेशी कर्मचारी व अधिकारी गरजेचे आहे. परंतु महापालिकेचा आस्थापना खर्च मर्यादेपेक्षा जास्त असल्याने आकृतीबंध मंजूर करण्यास अडचणी निर्माण होत असल्याचे नगर विकास विभागाचे अतिरिक्त मुख्य सचिव असीम गुप्ता यांनी स्पष्टीकरण दिले. (latest marathi news)
त्याचबरोबर महत्त्वाचे रिक्त पदे भरणेदेखील आवश्यक असल्याने महापालिकेने तातडीने शासनाकडे प्रस्ताव सादर करण्याच्या सूचना फडणवीस यांनी दिल्या. नाशिक- मुंबई महामार्गाची मोठी दुरावस्था झाली असून, तातडीने उपाययोजना करण्याची आवश्यकता असल्याचे आमदार फरांदे यांनी स्पष्टीकरण दिले.
५ ऑगस्टपर्यंत रस्त्याची सुधारणा करावी असे निर्देश उपमुख्यमंत्री फडणवीस यांनी दिले. काम करण्यापूर्वी पर्यायी रस्ता राष्ट्रीय महामार्गाच्या दर्जाच्या करण्याच्या सूचनादेखील त्यांनी दिल्या. रस्त्याची सुधारणा झाल्यानंतर मुख्यमंत्र्यांनी स्वतः पाहणी करणार असल्याचे स्पष्टीकरण त्यांनी दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
