Nashik Summer Heat News : वातावरणीय बदलामुळे सध्या रोजच पाऱ्यात चढ-उतार सुरु आहे. एका दिवसात शहरातील तापमानात दोन अंशांनी घसरण झालेली असून, सोमवारी (ता.२९) नाशिकचे कमाल तापमान ३९.४ अंश सेल्सिअस नोंदविले गेले. किमान तापमान वाढलेलेच असून, २५ अंश सेल्सिअसची नोंद झाली. (Nashik Summer Heat Mercury drops by two degrees)
गेल्‍या आठवड्यात सलग तीन-चार दिवस पारा चाळीस अंशांपेक्षा अधिक नोंदविला गेला होता. त्‍यानंतर मात्र काही प्रमाणात पारा घसरला होता. त्‍यातच रविवारी (ता.२८) नाशिकचे कमाल तापमान ४१.२ अंश सेल्सिअस तर किमान तापमान २४.९ अंश सेल्सिअस नोंदविले गेले होते.
एका दिवसातच सोमवारी कमाल पारा १. ८ अंश सेल्सिअसपर्यंत अधिक घसरला असून, ३९.४ अंश सेल्सिअस अशी नोंद घेण्यात आलेली आहे. किमान तापमानात मात्र किरकोळ वाढ नोंदविली आहे. येत्‍या काही दिवसांत वातावरणात होणाऱ्या बदलांमुळे तापमानात चढ-उतार सुरु राहणार असल्‍याचा अंदाज तज्ज्ञांनी व्यक्त केला आहे. दरम्‍यान दुपारच्‍या वेळीचे ऊन असहनीय होत असल्‍याने जनजीवनावर प्रभाव पडत असल्‍याचे शहर परिसरात बघायला मिळत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
