सबस्क्राईब करा
नाशिक : बहुचर्चित नाशिक विभाग शिक्षक मतदारसंघाच्या निवडणुकीच्या मतमोजणीसाठी नाशिकमध्ये आज सकाळी ८ वाजता सुरुवात झाली आहे. सर्वप्रथम ३० टेबलवर ५० मतपत्रिकांचे गठ्ठे बनविले जात आहेत. नाशिक विभागातून या निवडणुकीत २१ उमेदवार रिंगणात आहेत. मात्र तिरंगी लढत होण्याची शक्यता आहे. (Teacher Constituency Vote Counting Begins )
महाविकास आघाडीकडून शिवसेना ठाकरे गटाचे संदीप गुळवे, महायुतीतून शिवसेना शिंदे गटाचे किशोर दराडे तर अपक्ष उमेदवार विवेक कोल्हे यांच्यात प्रामुख्याने तिरंगी लढत होत आहे. या निवडणुकीत 64 हजार 848 मतांमधतून अगोदर अवैद्य मते बाजूला काढून एकूण वैध मते ठरवले जाणार आहेत. त्यातून विजयाचा कोटा निश्चित करून मतमोजणीला सुरुवात होईल. (latest marathi news)
सुरुवातीला पहिल्या पसंतीच्या मतांची मोजणी होणार आहे. याप्रमाणे कोटा पूर्ण होईपर्यंत दुसऱ्या मतांची उलट्या क्रमाने मतमोजणी होणार आहे. सर्वात अगोदर कोटा पूर्ण करणारा उमेदवार विजयी घोषित केला जाईल. सद्या ५० मतांचे गठ्ठे बनविण्याचे काम सुरू असून अंदाजे १२ वाजेनंतर मतमोजणीला सुरुवात होईल असा अंदाज आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
