Nashik Winter Update: शहरासह जिल्‍हाभरात थंडीचा तडाखा वाढत असून, दिवसाच्‍या वेळीही वातावरणात गारवा जाणवतो आहे. सायंकाळनंतर वातावरणातील शीतलहरींमुळे गारठ्याची तीव्रता अधिक प्रमाणात जाणवते. (nashik Temperature at 14 degrees news)
मंगळवारी (ता. १२) नाशिकचे किमान तापमान १४ अंश सेल्सियस नोंदविले गेले. दरम्‍यान, वातावरणात दव व धुके निर्माण होत असल्‍याने यामुळे शेती पिकांची चिंता वाढली आहे. येत्‍या काही दिवसांत पारा आणखी खालावण्याची शक्‍यता हवामान खात्‍याने वर्तविली.
यंदाच्‍या हिवाळी हंगामात आतापर्यंत अपेक्षित थंडी जाणवत नव्‍हती. अशात अवकाळी पावसाने संपूर्ण वेळापत्रक विस्कळित केले होते. ढगाळ वातावरण राहत असल्‍याने वातावरणातील गारवा कमी झाला होता; परंतु गेल्‍या काही दिवसांपासून गारवा पुन्‍हा जाणवू लागलेला आहे. मंगळवारी नाशिकचे किमान तापमान १४ अंश सेल्सियस नोंदविले गेले.
तत्‍पूर्वी, सोमवारी (ता. ११) नाशिकचे तापमान १६.२ अंश सेल्सियस असताना एका दिवसात पाऱ्याची दोन अंशांहून अधिकच घसरण झाली. सध्याच्‍या वातावरणात हवेत दव आणि मध्यरात्रीपासून पडणारे धुके यामुळे पिकांचे नुकसान होण्याचा धोका वाढला आहे. विशेषतः टोमॅटो पिकावर सध्याच्‍या वातावरणाचा विपरीत परिणाम होण्याची शक्‍यता निर्माण झालेली आहे.
राज्‍यात नाशिक तिसऱ्या स्‍थानी
संपूर्ण राज्‍यभर थंडीचा परिणाम जाणवतो आहे. मंगळवारी सर्वांत कमी किमान तापमान १३ अंश सेल्सियस हे चंद्रपूरचे राहिले. त् याखालोखाल गोंदियाचे १३.२ अंश सेल्सियस तापमान नोंदविले गेले. १४ अंश सेल्सियस तापमान असलेले नाशिक थंडीच्‍या बाबतीत राज्‍यात तिसऱ्या स्‍थानी राहिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
